ភ្នំពេញ៖ ការប្រឡងមធ្យមសិក្សាបឋមភូមិ (ប្រឡងឌីប្លូម) ឆ្នា២០២៣ នេះ មានបេក្ខជនគ-ថ្លង់ ២៧ នាក់ និងបេក្ខជនមានពិការភាពភ្នែក ២២ នាក់ ត្រៀមខ្លួនចូលរួមប្រឡងឌីប្លូម ដែលប្រព្រឹត្តទៅនាថ្ងៃទី២-៣ តុលា ឆ្នាំ២០២៣។
បើតាមប្រសាសន៍លោក កាន់ ពុទ្ធី អ្នកនាំពាក្យក្រសួងអប់រំ បានឱ្យដឹងថា បេក្ខជនចូលរួមប្រឡងមធ្យមសិក្សាបឋមភូមិ នាខែតុលាខាងមុខនេះ មានចំនួនសរុប ១៧៨ ១៣៤ នាក់ ក្នុងនោះមានបេក្ខជនគ-ថ្លង់ ២៧ នាក់ និងបេក្ខជនមានពិការភាពភ្នែក ២២ នាក់។
សូមបញ្ជាក់ថា ការប្រឡងមធ្យមសិក្សាបឋមភូមិ មានចំនួន១១មុខវិជ្ជា រួមមាន តែងសេចក្ដី គីមីវិទ្យា ផែនដីនិងបរិស្ថានវិទ្យា ភូមិវិទ្យា រូបវិទ្យា សីលធម៌និងពលរដ្ឋវិទ្យា គណិតវិទ្យា ការសរសេរតាមអាន ជីវវិទ្យា ប្រវត្តិវិទ្យា និង ភាសាបរទេស៕
.jpg?1729159299)
