ពិព័រណ៍«ភូមិមួយផលិតផលមួយ»ត្រៀមរៀបចំនៅខេត្តសៀមរាបពីថ្ងៃទៅ២៦-៣០កញ្ញា

សៀមរាប៖ រដ្ឋបាលខេត្តសៀមរាប នៅថ្ងៃទី២២ កញ្ញា បានចេញសេចក្ដីជូនដំណឹងអំពីការត្រៀមរៀបចំពិព័រណ៍ផលិតផលក្នុងស្រុក ភូមិមួយផលិតផលមួយ ដើម្បីប្រារព្ធពិធីអបអរសាទរ ទិវាទេសចរណ៍ពិភពលោកឆ្នាំ២០២៣ និងពិធីអបអរសាទរ ទិវាពិភពលោកស្អាតលើកទី៦ (The 6 World Cleanup Day) ដែលនឹងប្រព្រឹត្តទៅចាប់ពីថ្ងៃទី២៦ ដល់ថ្ងៃទី៣០ ខែកញ្ញា ឆ្នាំ២០២៣។

ពិព័រណ៍នេះសហការជាមួយគណៈកម្មាធិការជាតិជំរុញ ចលនាភូមិមួយផលិតផលមួយ រដ្ឋបាលក្រុងសៀមរាប មន្ទីរទេសចរណ៍ខេត្ត សហភាពសហព័ន្ធយុវជនកម្ពុជាខេត្តសៀមរាប មន្ទីរ-អង្គភាព ប្រតិបត្តិករវិស័យទេសចរណ៍ខេត្តសៀមរាប និងវិស័យឯកជន៕