ចិន៖ ការហ្វឹកហ្វឺនកងទ័ពជើងទឹករួមគ្នា "Blue Strike-2023" (ប្លូស្រាយ២០២៣) ដែលធ្វើឡើងដោយប្រទេសចិន និងថៃបានបញ្ចប់ដោយជោគជ័យកាលពីថ្ងៃសៅរ៍។ជាមួយនឹងកិច្ចខិតខំប្រឹងប្រែងរួមគ្នា កងទ័ពជើងទឹកទាំងពីរបានបញ្ចប់ការហ្វឹកហ្វឺនតាមកាលវិភាគនៅលើគោក និងនៅសមុទ្រយ៉ាងជោគជ័យ។
ពិធីបិទការហ្វឹកហ្វឺនរួមគ្នារយៈពេលមួយសប្តាហ៍នេះ ត្រូវបានធ្វើឡើងនៅលើនាវាយោធាថៃ ដោយមានមន្ត្រីកងទ័ពជើងទឹក និងទាហានជាង ៣០០នាក់ចូលរួម។នាយទាហាន និងពលទាហានចិន-ថៃមួយចំនួនដែលបានចូលរួមក្នុងវគ្គបណ្តុះបណ្តាលបានទទួលការកោតសរសើរពីមេបញ្ជាការរួម។ ការហ្វឹកហ្វឺនរួមគ្នារវាងកងទ័ពជើងទឹកចិន និងថៃ គឺជាព្រឹត្តិការណ៍ការទូតយោធាដ៏សំខាន់មួយ ដែលអាចលើកកម្ពស់ការជឿទុកចិត្តគ្នាទៅវិញទៅមក និងពង្រឹងទំនាក់ទំនងទ្វេភាគី។ សមយុទ្ធនេះក៏ជាឱកាសដ៏ល្អមួយដើម្បីបង្ហាញពីផ្លែផ្កានៃការផ្លាស់ប្តូរសកម្មភាពរបស់កងទ័ពជើងទឹកចិន ថៃផងដែរ។ ការហ្វឹកហ្វឺនបានជំរុញបន្ថែមទៀតនូវការផ្លាស់ប្តូរ និងកិច្ចសហប្រតិបត្តិការទ្វេភាគី ក៏ដូចជាការពង្រឹងឥទ្ធិពលនៃការហ្វឹកហ្វឺនកងទ័ពជើងទឹករួមគ្នា 'Blue Strike-2023' របស់ចិន-ថៃ។ សមយុទ្ធពិសេស Blue Strike បានចាប់ផ្តើមនៅឆ្នាំ ២០១០ មកម្លេះ៕
