កម្ពុជា សម្រេចធ្វើរូបសំណាកវីរភាពរបស់កីឡាការិនី ប៉ាល់ ឆរស្ម៊ី តម្កល់ទុកនៅវិមានឈ្នះឈ្នះ

ភ្នំពេញ៖ កីឡាការិនីវ៉ូវីណាមលរបស់ក្រសួងមហាផ្ទៃ ប៉ាល់ ឆរស្ម៊ី នៅថ្ងៃទី០៦ កញ្ញានេះ ត្រូវបានរាជរដ្ឋាភិបាលកម្ពុជា សម្រេចធ្វើរូបសំណាកតំណាងឲ្យវីរភាព សម្រាប់តម្កល់ទុកនៅវិមានឈ្នះឈ្នះ ក្រោយពីរូបគេដណ្តើមបានមេដាយច្រើនជាងគេពីការប្រកួតក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នាពេលកន្លងមក បន្ទាប់ពីកីឡាការិនីរូបនេះ បានទទួលពានរង្វាន់ជាអត្តពលិកឆ្នើមប្រចាំព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដោយដណ្តើមបានមេដាយសរុបចំនួន ០៦គ្រឿង រួមមាន មេដាយមាស ០៤គ្រឿង ប្រាក់ ០១គ្រឿង និងសំរិទ្ធ ០១គ្រឿង ផងដែរ៕