វៀតណាម៖ យន្តហោះដឹកជញ្ជូន Boeing C-17 Globemaster 3 សម្រាប់ដឹកគ្រឿងផ្គត់ផ្គង់ និងឧបករណ៍ក្នុងដំណើរទស្សនកិច្ចរបស់ប្រធានាធិបតីអាម៉េរិក ចូ បៃដិន ទៅកាន់ប្រទេសវៀតណាម បានចុះចតនៅអាកាសយានដ្ឋាន Noi Bai ក្នុងទីក្រុងហាណូយ កាលពីថ្ងៃសុក្រ។ យោងតាមអ្នកតំណាងអាកាសយានដ្ឋានអន្តរជាតិ Noi Bai ជើងហោះហើរ C-17 ទីពីរដែលផ្ទុកទំនិញសម្រាប់ដំណើរទស្សនកិច្ចរបស់លោក បៃដិន គេសន្និដ្ឋានថាបានចុះចតនៅអាកាសយានដ្ឋាននៅម៉ោង ៨ យប់កាលពីម្សិលមិញ។ ចំណែកជើងហោះហើរដឹកជញ្ជូនបន្ទាប់ត្រូវបានកំណត់សម្រាប់ថ្ងៃទី ៤ និងទី ៥ ខែកញ្ញា ដើម្បីដឹកឧបករណ៍ និងទំនិញនឹងត្រូវបានទទួលដោយស្ថានទូតសហរដ្ឋអាម៉េរិក ដែលនឹងទទួលស្វាគមន៍នៃការមកដល់របស់ចូបៃដិននាថ្ងៃ១០ខែកញ្ញានេះសម្រាប់ទស្សនកិច្ចក្នុងប្រទេសវៀតណាម។
យន្តហោះ C-17 Globemaster 3 គឺជាយន្តហោះយោធាទម្ងន់ធ្ងន់ ដែលត្រូវបានបង្កើតឡើងដោយក្រុមហ៊ុនផលិតអវកាស McDonnell Douglas ដែលមានមូលដ្ឋាននៅទីក្រុង Berkeley នៅចុងទសវត្សរ៍ឆ្នាំ ១៩៨០ សម្រាប់ការដឹកជញ្ជូនសព្វាវុធ និងទាហានទៅកាន់ទីតាំងណាមួយក្នុងពិភពលោក ហើយយន្តហោះ C-17 នេះ មានប្រវែង ៥៣ ម៉ែត្រ។យន្តហោះនេះ មានទទឹង ៥,៥ ម៉ែត្រ និងកម្ពស់ ៤,៦ ម៉ែត្រ ដែលអនុញ្ញាតឱ្យផ្ទុកទម្ងន់បាន ៧៧ តោន។ វាក៏អាចផ្ទុកឧទ្ធម្ភាគចក្រដឹកជញ្ជូន UH-60 Black Hawk ចំនួនបួនគ្រឿង ឬឧទ្ធម្ភាគចក្រវាយប្រហារ AH-64 Apache ចំនួនពីរគ្រឿងផងដែរ។បន្ទាប់ពីការបម្រើរយៈពេល ៣០ ឆ្នាំ C-17 Globemaster 3 ត្រូវបានចាត់ទុកថាជាយន្តហោះពិសេសប្រើសម្រាប់ការដឹកជញ្ជូនយោធាអាម៉េរិក ក៏ដូចជាយានជំនិះសម្រាប់មេដឹកនាំរបស់ខ្លួនក្នុងអំឡុងពេលទស្សនកិច្ចបរទេស។ប្រធានាធិបតីអាម៉េរិកលោក ចូបៃដិន នឹងទៅបំពេញទស្សនកិច្ចនៅវៀតណាមនៅថ្ងៃទី ១០ និង ១១ ខែកញ្ញា តាមការអញ្ជើញរបស់អគ្គលេខាបក្ស លោក Nguyen Phu Trong។
អ្នកនាំពាក្យក្រសួងការបរទេសវៀតណាម លោកស្រី Pham Thu Hang ជឿជាក់ថា ដំណើរទស្សនកិច្ចរបស់មេដឹកនាំនៃប្រទេសទាំងពីរនឹងធ្វើឱ្យទំនាក់ទំនងវៀតណាម និងសហរដ្ឋអាម៉េរិកកាន់តែស៊ីជម្រៅមួយកម្រិតទៀតដោយជួយឱ្យទំនាក់ទំនងរីកចម្រើនយ៉ាងរឹងមាំ និងក្នុងកិច្ចការងារយូរអង្វែងលើគ្រប់វិស័យ រួមចំណែករក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍន៍ក្នុងតំបន់ និងពិភពលោក។គួរបញ្ជាក់ថាដំណើរទស្សនកិច្ចនេះ គឺជាលើកដំបូងរបស់ប្រធានាធិបតី បៃដិន ចាប់តាំងពីចូលកាន់តំណែងនៅដើមឆ្នាំ ២០២១៕
