ភ្នំពេញ៖ រដ្ឋសភាកម្ពុជា នៅព្រឹកថ្ងៃទី៣១សីហានេះ បានបន្តសម័យប្រជុំលើកទី១របស់ខ្លួន ក្រោមអធិបតីភាពលោកស្រី ឃួន សុដារី ដោយមានសមាជិកចូល៨៧រូប។ កិច្ចប្រជុំ បានឈានដល់ការសម្រេចផ្តល់សុពលភាពអណត្តិរបស់បេក្ខជនជាប់ឆ្នោត២៩រូបជំនួសតំណាងរាស្ត្រដដែលបានសុំលាលែង ហើយនិងការបោះឆ្នោតជ្រើសតាំងលោក យក់ ង៉ុយ ជាសមាជិកក្រុមប្រឹក្សាធម្មនុញ្ញ។
សម័យប្រជុំពេញអង្គរដ្ឋសភានាព្រឹកនេះ មានរបៀបវារៈចំនួនពីរ។ នៅក្នុងនោះ អង្គរដ្ឋសភា បានសម្រេចអំពីសុពលភាពនៃអាណត្តិរបស់បេក្ខជនជាប់ឆ្នោតតំណាងរាស្រ្តនីតិកាលទី៧ ចំនួន២៩រូប របស់គណបក្សប្រជាជនកម្ពុជា ជំនួសតំណាងរាស្រ្តដែលបានសុំលាលែង និងបានបោះឆ្នោត ជំនួសលោក សំ ព្រហ្មនា ដែលបានទទួលមរណភាព៕
