កម្ពុជា៖ អង្គការជីវិតធម្មជាតិនៅកម្ពុជា បង្កើតក្រុមអេកូក្លឹបប្រចាំឃុំផាត់សណ្ដាយ ដែលមានសមាជិកចំនួន ៨៥រូប សុទ្ធសឹងជាសិស្សានុសិស្សនៃសាលាអនុវិទ្យាល័យផាត់សណ្ដាយ ដើម្បីចូលរួមផ្សព្វផ្សាយ និងលើកកម្ពស់ការយល់ដឹងពីការងារអភិរក្សធម្មជាតិក្នុងសហគមន៍របស់ពួកគេ ក៏ដូចជាជំរុញ និងលើកកម្ពស់ស្មារតីយុវជនឲ្យចាប់ផ្ដើមបំពេញទំនួលខុសត្រូវលើការអភិរក្ស និងបរិស្ថានក្នុងសហគមន៍របស់ពួកគេ។
ក្នុងខែសីហា នេះ តាមរយៈការចូលរួមក្នុងវេទិកាចែករំលែកបទពិសោធន៍ និងវគ្គបណ្ដុះបណ្ដាលពីធនធានធម្មជាតិ ក្រុមអេកូក្លឹបបានចាប់ផ្ដើមចុះផ្ទាល់ជាមួយសហគមន៍ ដោយផ្សព្វផ្សាយពីបញ្ហាចម្បងៗ ក្នុងតំបន់រ៉ាមសារស្ទឹងសែន និងបានចែករំលែកពីចំណេះដឹងល្អៗនៃទំនាក់ទំនងព្រៃលិចទឹកនិងសហគមន៍ កិច្ចពិភាក្សាលើជម្រើសមុខរបរពេលបច្ចុប្បន្ន និងអនាគត និងកត្ដាប្រឈមនានានៃសកម្មភាពបទល្មើសខុសច្បាប់ក្នុងសហគមន៍ផងដែរ។
សកម្មភាពនេះបានបង្ហាញនូវតួនាទីដ៏សំខាន់របស់យុវជនក្នុងការនាំឲ្យការផ្លាស់ប្ដូក្នុងសហគមន៍ និងលើកកម្ពស់ការចូលរួមក្នុងការងារអភិរក្សធនធានធម្មជាតិ។
