ក្រសួងឲ្យប្រយ័ត្នផ្ទៃសមុទ្រមានខ្យល់បក់បោក និងរលកសមុទ្រខ្ពស់ៗ ពីថ្ងៃទី១-៤កញ្ញា

ភ្នំពេញ៖ ក្រសួង​ធនធាន​ទឹក​ នៅថ្ងៃទី៣០សីហានេះ បានប្រកាស​ឱ្យ​ត្រៀម​ប្រុង​ប្រយ័ត្ន​ ផ្ទៃសមុទ្រមានភ្លៀងខ្យល់បក់បោកនិងរលកសមុទ្រខ្ពស់ៗ​ ចាប់ពីថ្ងៃទី០១ ដល់ថ្ងៃទី០៤ ខែកញ្ញា។

ដោយយោងតាមការតាមដានស្ថានភាពវិវត្តនៃអាកាសធាតុ និងព្យាករណ៍បន្ត ក្រសួងធនធានទឹក និងឧតុនិយម សូមជម្រាបដល់សាធារណជនឲ្យបានជ្រាបថា ចាប់ពីថ្ងៃទី០១ ដល់ថ្ងៃទី០៤ ខែកញ្ញា ឆ្នាំ២០២៣ នៅតំបន់មាត់សមុទ្រនឹងអាចមានភ្លៀងធ្លាក់ជាប់ជាបន្តបន្ទាប់ពីបង្គួរទៅច្រើនលាយឡំ ផ្គរ រន្ទះ និងខ្យល់កន្រ្តាក់។ នៅលើផ្ទៃសមុទ្រមានភ្លៀងខ្យល់បក់បោកនិងរលកសមុទ្រខ្ពស់ៗ។