សេអ៊ូល៖ ក្រុមប៉ូលិសកូរ៉េខាងត្បូង នៅថ្ងៃទី ២៤ សីហា បានចាប់ខ្លួនមនុស្ស ១៤ នាក់ ដែលបាននាំគ្នាសម្រុកចូលអគាររបស់ស្ថានទូតជប៉ុនក្នុងទីក្រុងសេអ៊ូល ដោយតវ៉ាប្រឆាំងមិនឲ្យប្រទេសជប៉ុនបង្ហូរកាកសំណល់នុយក្លេអ៊ែរពីរោងចក្រចូលក្នុងមហាសមុទ្រប៉ាស៊ីហ្វិក ។
ការតវ៉ានេះបានកើតឡើងភ្លាមបន្ទាប់ពីប្រទេសជប៉ុនបានប្រកាសបញ្ចេញទឹកវិទ្យុសកម្ម ដែលត្រូវបានបង្ហូរចេញពីរោងចក្រថាមពលដែលខូចចូលទៅក្នុងមហាសមុទ្រប៉ាស៊ីហ្វិក ដែលជាការបង្កឱ្យមានការរិះគន់យ៉ាងខ្លាំងនៅជុំវិញពិភពលោក។ មន្ត្រីប៉ូលីសជាច្រើនបានចាប់ខ្លួនបាតុករ និងអូសបាតុករចេញពីអគារ។ បាតុករម្នាក់បានឲ្យដឹងថាមានយ៉ាងហើចណាស់ មនុស្ស១៤នាក់ត្រូវបានប៉ូលីសចាប់ឃុំខ្លួន។ ហើយមនុស្សប្រហែល ៥០នាក់បានប្រមូលផ្តុំគ្នានៅខាងក្រៅស្ថានទូត ដើម្បីបន្តការតវ៉ាឲ្យមានការដោះស្រាយរឿងបញ្ហាដែលជប៉ុនបញ្ចេញកាកសំណល់វិទ្យុកម្មចូលក្នុងសមុទ្រប៉ាស៊ីហ្វិក៕
