ភ្នំពេញ៖ សិស្សវិទ្យាល័យកម្ពុជា ៣រូប បានវិលត្រឡប់ពីចូលរួមក្នុងកម្មវិធីផ្លាស់ប្តូរគ្នា រយៈពេល ៤ សប្តាហ៍ នៅសហរដ្ឋអាម៉េរិក ដែលមានឈ្មោះថាកម្មវិធី TechGirls Program ។ តាមរយៈកម្មវិធីនេះ ពួកគេបានរៀនសូត្រច្រើន អំពីមុខវិជ្ជាវិទ្យាសាស្រ្ត បច្ចេកទេស វិស្វកម្ម និងគណិតវិទ្យា ការងារជាក្រុម និង បានបង្កើតមិត្តភក្តិជាច្រើនមកពីទូទាំងសាកលលោក។
សិស្សវិទ្យាល័យកម្ពុជា ៣ នាក់បានវិលត្រឡប់ពីចូលរួមក្នុងកម្មវិធីផ្លាស់ប្តូរគ្នា រយៈពេល ៤ សប្តាហ៍ នៅសហរដ្ឋអាមេរិក ដែលមានឈ្មោះថាកម្មវិធី TechGirls Program ។ ពួកគេបានចំណាយពេល ២ សប្តាហ៍ នៅសាលាមហាវិទ្យាល័យ Virginia Tech ដោយសិក្សាស្វែងយល់ពីមនុស្សយន្ត កូដ និងវិស្វកម្ម។
ពួកគេថែមទាំងបានទៅមើលមជ្ឈមណ្ឌលអវកាស NASA Goddard Space Flight Center ហើយបានជួបជាមួយអ្នកធ្វើការនៅក្នុងអង្គការអវកាស NASA ។ យុវតីទាំងនោះបានធ្វើដំណើរទៅទីក្រុង Chicago មួយសប្តាហ៍ ដើម្បីស្វែងយល់ពីការងារជាក់ស្តែង និងពីវប្បធម៌។
នៅទីក្រុង Washington ពួកគេបានជួបជាមួយសមាជិកសភាអាមេរិក ទស្សនាសេតវិមាន ហើយការប្រកួតកីឡាបាល់ទាត់នារី។ ពួកគេថែមទាំងបានធ្វើបទបង្ហាញស្តីពីគម្រោងសកម្មភាពរបស់គេនៅក្នុងសហគមន៍ ដល់គណមេប្រយោគ ផងដែរ៕
