ភ្នំពេញ៖ អង្គការផ្កាយសមុទ្រ ISF Cambodia ប្រកាសជ្រើសរើសយុវជនស្ម័គ្រចិត្តដើម្បីចូលរួមរៀបចំព្រឹត្តិការណ៍ រត់ពាក់កណ្តាលម៉ារ៉ាតុងសប្បុរសធម៌(ISF Superhero Charity Run) ដែលនឹងប្រព្រឹត្តទៅនៅខែតុលា។
បើតាមគេហទំព័រហ្វេសប៊ុករបស់ ISF Cambodia បានឱ្យដឹងថា ព្រឹត្តិការណ៍ រត់ពាក់កណ្តាលម៉ារ៉ាតុងសប្បុរសធម៌ នឹងប្រព្រឹត្តទៅនៅថ្ងៃទី ២២ តុលា ឆ្នាំ២០២៣ ដែលធ្វើឡើងក្នុងទីតាំង ភីអេច យូរ៉ូផាក ក្នុង បុរី ប៉េង ហួត ហ្រេ្គនស្តាផ្លាទីនីម (បឹងស្នោ) ចាប់ពីម៉ោង ៥:៣០ នាទីព្រឹកតទៅ។
ដើម្បីព្រឹត្តិការណ៍នេះអាចប្រព្រឹត្តទៅបានក្រុមការងារជ្រើសរើសយុវជនស្ម័គ្រចិត្តតួនាទីពីរបន្ថែមទៀតគឺ អ្នករៀបចំកម្មវិធី និង អ្នកថតរូប ដែលនឹងបើកទទួលពាក្យចាប់ពីពេលនេះតទៅរហូតដល់ថ្ងៃទី ២៥ សីហា ឆ្នាំ២០២៣ ដែលយុវជនអាចធ្វើការដាក់ពាក្យតាមតំណភ្ជាប់ https://shorturl.at/oqyHR ។
គួរបញ្ជាក់ផងដែរថា អាយអេសអេហ្វ ខេមបូឌា ជាអង្គការសប្បុរសធម៌កម្ពុជា ដែលមានបទពិសោធន៍ ១៦ឆ្នាំ នៅក្នុងការលើកកម្ពស់ការអប់រំ និងកីឡា ដើម្បីផ្លាស់ប្តូរជីវិតកុមារនៅកម្ពុជា ដើម្បីបង្កើនលទ្ធភាពទទួលបានការអប់រំ ការថែទាំសុខភាព និងកីឡា ដែលនឹងធ្វើឱ្យកុមារក្រីក្រ និងសហគមន៍របស់ពួកគេអាចរួចខ្លួនចេញពីភាពក្រីក្រ។
