អាជ្ញាធរជាតិអប្សរាសម្អាតនិងកាត់ដករុក្ខជាតិលើ«ប្រាសាទបាលិលេយ្យ»

សៀមរាប៖ អាជ្ញាធរជាតិអប្សរា បានឲ្យដឹងថា នៅថ្ងៃទី១០សីហាក្រុមការងារសម្អាតរុក្ខជាតិលើប្រាសាទ នៃនាយកដ្ឋានអភិរក្សប្រាសាទ និងបុរាណវិទ្យា បានចុះសម្អាតរុក្ខជាតិនៅប្រាសាទបាលិលេយ្យ នៅក្នុងអតីតរាជធានីក្រុងអង្គរធំ។

លោក ងិន ធី ប្រធានក្រុមការងារសម្អាតបានឱ្យដឹងថា រុក្ខជាតិដែលសម្បូរនារដូវវស្សានេះមានប្រភេទរុក្ខជាតិស្មៅ និងរុក្ខជាតិធំៗ។ លោកបន្តថា ប្រភេទស្មៅឬរុក្ខជាតិតូចៗមិនប៉ះពាល់ដល់ថ្មប្រាសាទទេ តែប្រសិនទុកវាឱ្យដុះរៀងស្ដុកនោះ វានឹងធ្វើឱ្យបាត់បង់សោភ័ណភាពប្រាសាទបាន។

នៅក្នុងខែវស្សានេះទាំងរុក្ខជាតិស្មៅ និងរុក្ខជាតិដើមឈើធំៗវាដុះលឿនខុសពីធម្មតា ប្រសិនបើយើងសម្អាតវាបានស្អាត វាក្រដុះវិញដែរ។

ដោយឡែក ទាក់ទងនឹងផែនការសម្អាតវិញ ខែវស្សានេះ មានភាពមមាញឹកជាងខែប្រាំង ដោយខែវស្សាគឺប្រាសាទមួយវិលជុំក្នុងពេលមួយខែ តែសម្រាប់ខែប្រាំងអាចមួយខែកន្លះឯណោះទើបចូលសម្អាតម្ដងទៀត៕