ភ្នំពេញ៖ ទីភ្នាក់ងារបារាំងសម្រាប់ការអភិវឌ្ឍ (AFD) គាំទ្រអង្គការហ្វារពន្លឺសិល្បៈ ដើម្បីដាក់ឱ្យដំណើរការគម្រោងសិល្បៈមួយ ដែលមានលក្ខណៈបង្កើតថ្មី នៅខេត្តបាត់ដំបង។ ស្នាដៃសិល្បៈដែលសម្រេចបាន នឹងត្រូវយកទៅដាក់តាំងក្នុងពិព័រណ៍មួយនៅកណ្តាលក្រុងបាត់ដំបងក្នុងខែតុលា ឆ្នាំ២០២៣ ខាងមុខ។
ដោយទទួលបានការគាំទ្រពីមូលនិធិ Métis របស់ទីភ្នាក់ងារ AFD គម្រោងនេះមានទិសដៅលើកស្ទួយការអភិវឌ្ឍប្រកបដោយចីរភាព និងបរិយាប័ន្នរបស់ខេត្តបាត់ដំបង តាមរយៈការលើកតម្លៃបេតិកភណ្ឌវប្បធម៌ដ៏សម្បូរបែប និងភាពរស់រវើកនៃសិល្បៈរបស់ខេត្តនេះ៕
