ភ្នំពេញ៖ ដែនជម្រកសត្វព្រៃពាមក្រសោប ត្រូវបានកែប្រែពីផ្ទៃដីទំហំ ២៣ ៧៥០ហិកតា មកផ្ទៃដីទំហំ ១៦ ៩៨២ហិកតា ស្ថិតក្នុងភូមិសាស្ត្រខេត្តកោះកុង។ នេះបើតាមអនុក្រឹត្យរដ្ឋាភិបាលកម្ពុជា ចុះថ្ងៃទី១៧ កក្កដា ឆ្នាំ២០២៣។
អនុក្រឹត្យនេះមានគោលបំណង ធានាឱ្យមានការថែទាំទីជម្រកសត្វព្រៃនិងប្រព័ន្ធអេកូឡូស៊ី និង រក្សាលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុនិងហានិភ័យគ្រោះមហន្តរាយ ធម្មជាតិ។ ជាពិសេស ផ្តល់ផលិតផលនិងសេវាកម្មធម្មជាតិសម្រាប់ការប្រើប្រាស់ប្រកបដោយនិរន្តរភាព៕
