សាកលវិទ្យាល័យលីមកុកវីង ជ្រើសរើសសិស្សពូកែថ្នាក់ទី១២ទូទាំងប្រទេស ផ្តល់អាហារូបករណ៍ និងប្រាក់រង្វាន់

ភ្នំពេញ៖ សាកលវិទ្យាល័យលីមកុកវីង ជ្រើសរើសសិស្សពូកែថ្នាក់ទី១២ទូទាំងប្រទេស ដែលសិស្សជ័យលាភីនឹងទទួលបានពានរង្វាន់ជាទឹកប្រាក់សរុបរហូតដល់ ១៦,០០០,០០០ រៀល រួមទាំងអាហារូបករណ៍សិក្សាពេញថ្លៃ១០០% សិក្សាឥតគិតថ្លៃរយៈពេល ៤ ឆ្នាំ នៅសាកលវិទ្យាល័យ លីមកុកវីង ។

បើតាមសាកលវិទ្យាល័យលីមកុកវីង បានឱ្យដឹងថាកាលបរិច្ឆេទថ្ងៃប្រលងលើកទី១នឹងប្រព្រឹត្តទៅនៅថ្ងៃសៅរ៍ ទី០២ ខែកញ្ញា ឆ្នាំ២០២៣ ដែលមានវិញ្ញាសាគណិតវិទ្យា និងភាសាអង់គ្លេស។

សម្រាប់សិស្សដែលមានចំណាប់់អារម្មណ៍ក្នុងការចូលរួមប្រលងសិស្សពូកែដើម្បីមានឱកាសបានអាហារូបករណ៍ជាសាច់ប្រាក់ និង ការសិក្សា៤ឆ្នាំពេញនៅសាកលវិទ្យាល័យលីមកុកវីងអាចធ្វើការចូលរួមចុះឈ្មោះតាមតំណភ្ជាប់ https://forms.gle/VjUAtGQtscozWBSP7 ។

គួរបញ្ជាក់ផងដែរថា អាហារូបករណ៍នេះផ្តល់ជូនសម្រាប់សិស្សទី១២នៅក្នុងឆ្នាំសិក្សា២០២២-២០២៣នេះតែប៉ុណ្ណោះ៕