អាជ្ញាធរខេត្តកោះកុងចុះពិនិត្យស្ថានភាពជំនន់ទឹកភ្លៀង និងប្រមូលពលរដ្ឋរងផលប៉ះពាល់

កោះកុង៖ រដ្ឋបាលខេត្តកោះកុង នៅថ្ងៃទី០២សីហានេះ បានឲ្យដឹងថា លោក ជា ច័ន្ទកញ្ញា អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក បានដឹកនាំក្រុមការងារស្រុក ក្រុមគ្រូពេទ្យបង្អែកស្រុកស្រែអំបិល ដោយមានការចូលរួមសហការពីអាជ្ញាធរភូមិ ឃុំ ចុះពិនិត្យស្ថានភាពជំនន់ទឹកភ្លៀង។

សូមជម្រាបថា ក្រុមការងារ បានប្រមូលប្រជាពលរដ្ឋដែលរងផលប៉ះពាល់ទាំងនេះ ឲ្យមកស្នាក់នៅកន្លែងទីទួលសុវត្ថិភាពសាលារៀនបាក់អង្រុត ស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល៕