សម្ដេច ហ៊ុន សែន ធានាពីនយោបាយជាមួយចិនចំពោះមុខលោកស៊ី ជីនពីង

ភ្នំពេញ៖ សម្ដេច ហ៊ុន សែន កាលពីថ្ងៃទី២៦ កក្កដា បានចេញសារជូនប្រធានាធិបតីចិន លោក ស៊ី ជីនពីង បន្ទាប់ពីលោក ស៊ី ជីនពីង បានផ្ញើសារអបអរគណបក្សប្រជាជនកម្ពុជា ឈ្នះការបោះឆ្នោត នីតិកាលទី៧នេះ។ នៅក្នុងលិខិតនោះ សម្ដេច ហ៊ុន សែន ធានា ថា គោលនយោបាយរបស់កម្ពុជាចំពោះប្រទេសចិន គឺមិនផ្លាស់ប្ដូរឡើយ បើទោះជាកម្ពុជាស្ថិតនៅក្នុងដំណើរការនៃការបង្កើតរដ្ឋាភិបាលថ្មី។

កិច្ចសហប្រតិបត្តិការជិតស្និទ្ធរវាងគណបក្សប្រជាជនកម្ពុជា និង គណបក្សកុម្មុយនីស្តចិន បន្តរីកចម្រើនកាន់តែខ្លាំងក្លា ហើយប្រទេសទាំងពីររក្សាបាននូវចំណងមិត្តភាពដ៏ល្អប្រសើរ រហូត ក្លាយទៅជាសហគមន៍វាសនារួម និងមិត្តភាពដែកថែប។ ខណៈដែលកម្ពុជាស្ថិតនៅក្នុងដំណើរការនៃ ការបង្កើតរដ្ឋាភិបាលថ្មី។ ប៉ុន្ដែទៅជាយ៉ាងណា ការបង្កើតរដ្ឋាភិបាលថ្មី នេះ សម្ដេច ហ៊ុន សែន ធានាថាគោលនយោបាយរបស់កម្ពុជាចំពោះចិនមិនផ្លាស់ប្ដូរឡើយ៕