ចិន៖ ក្រុមសង្កេតការណ៍ជាតិរបស់ប្រទេសចិន នៅថ្ងៃ២៦ កក្កដានេះ បានជូនដំណឹងពណ៌ទឹកក្រូចនៃការមកដល់ព្យុះទីហ្វុង ដុកសូរី ខណៈដែលព្យុះទីហ្វុងទី៥ ក្នុងឆ្នាំនេះត្រូវបានគេរំពឹងថានឹងនាំមកនូវភ្លៀងធ្លាក់ខ្លាំងដល់ផ្នែកភាគខាងត្បូងនិងភាគខាងកើតនៃប្រទេសចិន។
យោងតាមមជ្ឈមណ្ឌលឧតុនិយមជាតិចិនបានឲ្យដឹងថាព្យុះទីហ្វុងដែលបានបកទៅលើមហាសមុទ្រប្រហែល ៣៥០ គីឡូម៉ែត្រភាគខាងត្បូងនៃតំបន់តៃវ៉ាន់ នៅថ្ងៃពុធនេះ គេរំពឹងថានឹងផ្លាស់ទីទៅភាគពាយព្យក្នុងល្បឿនពី ១០ ទៅ ១៥ គីឡូម៉ែត្រក្នុងមួយម៉ោង។ ហើយវានឹងបក់បោកទៅភាគឦសាននៃសមុទ្រចិនខាងត្បូង នៅចន្លោះល្ងាចថ្ងៃពុធ និងព្រឹកថ្ងៃព្រហស្បតិ៍ បន្ទាប់មកនឹងធ្វើដំណើរទៅកាន់តំបន់ឆ្នេរ Fujian ហ្វូចៀន និង Guangdong គួនទុង នៅព្រឹកថ្ងៃសុក្រសប្តាហ៍នេះ។
ជាមួយគ្នានោះដែរតំបន់ឆ្នេរមួយចំនួននៅជុំវិញប៉ុស្តិ៍ Bashi សមុទ្រចិនខាងត្បូង នៃច្រកសមុទ្រតៃវ៉ាន់ ក៏ដូចជាតំបន់ឆ្នេរនៃកោះតៃវ៉ាន់ និងខេត្ត Fujian នឹងជួបប្រទះនូវព្យុះភ្លៀង ខណៈដែលផ្នែកខ្លះនៃកោះតៃវ៉ាន់នឹងមានភ្លៀងធ្លាក់ខ្លាំងពី ២៥០ ទៅ ៣៥០ មីលីម៉ែត្រ ចាប់ពីព្រឹកថ្ងៃពុធដល់ព្រឹកថ្ងៃព្រហស្បតិ៍។ មជ្ឈមណ្ឌលឧតុនិយម ក៏បានសម្រេចឱ្យផ្អាកការជួបជុំគ្នាទាំងក្នុង និងក្រៅផ្ទះ ដូចជាប្រតិបត្តិការខាងក្រៅដែលមានគ្រោះថ្នាក់។
អាជ្ញាធរខេត្ត Guangdong, Fujian និង Zhejiang កំពុងតាមដានការវិវត្តនៃព្យុះទីហ្វុងនេះខ្លាំង ហើយទូកនេសាទត្រូវបានស្នើសុំឱ្យត្រឡប់ទៅកំពង់ផែវិញ ដើម្បីការពារប្រឆាំងនឹងគ្រោះមហន្តរាយ ដូចជា ទឹកជំនន់ និងការបាក់ដីផងដែរ។ ហើយសម្រាប់ផ្លូវដែកខេត្តក្វាងចូវ ផ្លូវរថភ្លើងមួយចំនួននៅតាមឆ្នេរសមុទ្រ និងឆ្លងកាត់តំបន់ដែលមានហានិភ័យខ្ពស់ផ្សេងទៀតត្រូវបានផ្អាក។ មនុស្សប្រហែល ១៧៩ នាក់ត្រូវជម្លៀសទៅកាន់ទីជម្រកដែលមានសុវត្តិភាព ដើម្បីជៀសវាងពីគ្រោះមហន្តរាយ។ ចំណែកនាយកដ្ឋានដែនសមុទ្រក៏បានបញ្ជូនកប៉ាល់ដើម្បីធ្វើការល្បាត និងណែនាំនាវាដែលឆ្លងកាត់រុករកដែលបានបម្រុងទុកនៃសម្ភារៈដែលនៅលើសមុទ្រ ដើម្បីជៀសវាងខ្យល់ខ្យល់ព្យុះនេះ។ប្រទេសចិនមានប្រព័ន្ធព្រមានអាកាសធាតុពណ៌ចំនួន ៤ កម្រិត សម្រាប់ព្យុះទីហ្វុង ដោយពណ៌ក្រហម តំណាងឱ្យការព្រមានធ្ងន់ធ្ងរបំផុត បន្ទាប់មកដោយពណ៌ទឹកក្រូចលឿង និងខៀវ៕
