សិស្សនៃវិទ្យាល័យហ៊ុនសែន អង្គសុរភី រៀនធ្វើនំម៉ាហ្វីនចេក និងដាក់លក់នៅក្នុងសាលា

កំពត៖ សិស្សានុសិស្សនៃវិទ្យាល័យហ៊ុនសែន អង្គសុរភី ស្រុកកំពង់ត្រាច ខេត្តកំពត កំពុងអនុវត្តមេរៀនដែលបានរៀនអំពីការធ្វើនំម៉ាហ្វីនចេកដែលជាផ្នែកមួយនៃកម្មវិធីបំណិនកែច្នៃអាហារ ដែលគាំទ្រដោយសាកលវិទ្យាល័យភូមិន្ទកសិកម្ម (RUA) ។ ចំណែកនំម៉ាហ្វីនចេក ដែលធ្វើហើយ នឹងត្រូវដាក់លក់នៅក្នុងសាលារៀន។

នំម៉ាហ្វីនចេក និងអាហារកែច្នៃផ្សេងៗទៀតប្រកបដោយគុណភាពនិងអនាម័យ ដែលផលិតបាននេះ បានដាក់លក់ក្នុងសាលាសម្រាប់សិស្សានុសិស្ស។ កិច្ចការនេះក៏ជាផ្នែកមួយនៃការពង្រឹងមុខវិជ្ជាវិទ្យាសាស្ត្រ បច្ចេកវិទ្យា វិស្វកម្ម គណិតសាស្ត្រ (STEM) និងកសិកម្មដល់សិស្សានុសិស្សតាមវិទ្យាល័យ៕