អង្គការសម្រេចសុបិនកុមារផ្ដល់អាហារូបករណ៍ ដល់សិស្សបន្តការសិក្សានៅសាកលវិទ្យាល័យ

ភ្នំពេញ៖ អង្គការសម្រេចសុបិនកុមារកម្ពុជា ផ្ដល់អាហារូបករណ៍១០០% ដល់សិស្សានុសិស្សកំពុងរៀនថ្នាក់ទី១២ ឬ សិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ នៅឆ្នាំ២០២០, ២០២១ , ២០២២ ដែលមិនទាន់មានលទ្ធភាពបន្តការសិក្សានៅសាកលវិទ្យាល័យ។ ការទទួលពាក្យអាហារូបករណ៍ នឹផុតកំណត់នាថ្ងៃទី១៨ ខែសីហា ឆ្នាំ២០២៣ ខាងមុខនេះ។

អង្គការសម្រេចសុបិនកុមារកម្ពុជា ត្រូវការជ្រើសរើសសិស្សអាហារូបករណ៍ថ្នាក់បរិញ្ញាបត្រសម្រាប់ឆ្នាំសិក្សា២០២៣-២០២៤ ចំនួន ៤០នាក់ ដើម្បីចូលរៀនតាមបណ្តាសាកលវិទ្យាល័យគោលដៅមួយចំនួននៅរាជធានីភ្នំពេញ។

បេក្ខជនដែលចាប់អារម្មណ៍ អាចជ្រើសរើសការស្នើសុំ និងដាក់ពាក្យតាមវិធីណាមួយដូចខាងក្រោម៖

១. នៅការិយាល័យរបស់អង្គការសម្រេចសុបិនកុមារដោយផ្ទាល់ ដែលមានអាសយដ្ឋាន៖ ផ្ទះលេខ ១៦០ ភូមិគ្រួស សង្កាត់ស្វាយដង្គំ ក្រុង-ខេត្តសៀមរាប។ លេខទូរស័ព្ទទាក់ទង ០៩៦ ២០៦៤ ៤៧៤ / ០១៧ ២៧ ៨៧ ២៦ (ម៉ោងធ្វើការ ៨ព្រឹក ដល់ ៥ល្ងាច) ។

២. តាមតំណ https://rb.gy/ybbkj រួចផ្ញើតាម តេឡេក្រាម៖ ០៩៦ ២០៦៤ ៤៧៤ ឬ Email ៖ [email protected]

៣. អាចស្នើបំពេញតាមអនឡាញ https://rb.gy/w06uh