ភ្នំពេញ៖ យុវតី គា ឆរីតា ជាសិស្សថ្នាក់ទី៩ មកពីសាលាអន្តរជាតិ ស៊ី អាយ អេ ហ្វឺសត៍ បានប្រលងជាប់លេខមួយលើវិញ្ញាសារគណិតវិទ្យាអន្តរជាតិ តាមប្រព័ន្ធអនឡាញ (Caribou Mathematics Contest 2023)។ ការប្រឡងគណិតវិទ្យាអន្តរជាតិ មានសិស្សានុសិស្សចូលរួមសរុបប្រមាណជាជាង ៨០,០០០ នាក់មកពី ៤២ ប្រទេសជុំវិញពិភពលោកនៅឆ្នាំ២០២៣នេះ។
យុវតី គា ឆរីតា សិស្សដែលកំពុងសិក្សាថ្នាក់ទី៩ នៅសាលាអន្តរជាតិ ស៊ី អាយ អេ ហ្វឺសត៍ បានប្រឡង ជាប់ជ័យលាភីលេខ១កម្រិតសកលលោក និងទទួលបានមេដាយមាស១គ្រឿង ក្នុងចំណោមសិស្សចូលរួមសរុបចំនួន ២២៣១ នាក់ ដែលបានប្រកួតប្រជែងវិញ្ញាសាគណិតវិទ្យាអន្តរជាតិតាមប្រព័ន្ធអនឡាញ កម្រិតសិស្សថ្នាក់ទី៧/៨ ដែលរៀបចំឡើងដោយ ក្រសួងអប់រំ។
គួរបញ្ជាក់ថា ការប្រកួតប្រជែងគណិតវិទ្យាអន្តរជាតិតាម ប្រព័ន្ធអនឡាញ Caribou Mathematics Contest 2023 នេះ គឺជាការប្រកួតលំដាប់អន្តរជាតិ ដែលត្រូវធ្វើឡើងតាមប្រព័ន្ធអនឡាញ និងមានសិស្សានុសិស្សចូលរួមសរុបប្រមាណជាជាង ៨០,០០០ នាក់មកពី ៤២ ប្រទេសជុំវិញពិភពលោកនៅឆ្នាំ២០២៣នេះ៕
