អាម៉េរិក៖ រដ្ឋមន្ត្រីក្រសួងរតនាគារសហរដ្ឋអាម៉េរិកលោកស្រី Janet Yellen បានអះអាងក្នុងដំណើរទស្សនកិច្ចរបស់លោកអ្នកស្រីទៅកាន់ទីក្រុងប៉េកាំងថាសេដ្ឋកិច្ចអាម៉េរិកនិងចិនកំពុងមាន "ការបោះជំហានទៅមុខ" ហើយប្រទេសទាំងពីរក៏កំពុងខិតខំប្រឹងប្រែងដើម្បីធ្វើឱ្យទំនាក់ទំនងរវាងប្រទេសទាំងពីរមានស្ថិរភាពនិងប្រសើរជាងបច្ចុប្បន្ន។
បើតាមរដ្ឋមន្រ្តីនៃក្រសួងរតនាគារសហរដ្ឋអាម៉េរិករូបនេះបានអះអាងក្នុងដំណើរកម្សាន្តរយៈពេលបួនថ្ងៃ ដែលក្នុងអំឡុងពេលនោះកិច្ចពិភាក្សាត្រូវបានធ្វើឡើងលើបញ្ហានានា រួមទាំងការប្រែប្រួលអាកាសធាតុផងដែរ។លោកស្រីបានពណ៌នាកិច្ចពិភាក្សានេះថាជាកិច្ចពិភាក្សាមួយដ៏ល្អប្រសើរវាងចិន-និងសហរដ្ឋអាម៉េរិក។
ទោះបីជាយ៉ាងណាក៏ដោយ លោកស្រីបានទទួលស្គាល់ថា សហរដ្ឋអាម៉េរិក និងចិននៅតែមាន "ការខ្វែងគំនិតគ្នា" ។អ្នកស្រីបន្ថែមថា៖ «គ្រប់បញ្ហាទាំងអស់តែងតែមានដំណោះស្រាយ ហើយយើងត្រូវតែដោះស្រាយដោសន្តិវិធីជៀសវាងការប្រឈមមុខដាក់គ្នា»។ លើបញ្ហានៃការប្រកួតប្រជែងសេដ្ឋកិច្ច លោកស្រី Yellen បាននិយាយថា សហរដ្ឋអាម៉េរិកបានស្វែងរក "សេដ្ឋកិច្ចពិភពលោកប្រកបដោយថាមពល និងមានសុខភាពល្អ ដែលបើកចំហ សេរី និងយុត្តិធម៌។
ចំណែកឧបនាយករដ្ឋមន្ត្រីចិន លោក He Lifeng ដែលស្ថិតក្នុងចំណោមអ្នកដែលត្រូវជួបជាមួយលោកស្រី Yellen បាននិយាយកាលពីថ្ងៃសៅរ៍ថា លោកមានការសោកស្តាយចំពោះ "ឧប្បត្តិហេតុដែលមិននឹកស្មានដល់" ដូចជាជម្លោះលើបាឡុងចារកម្ម បានធ្វើឱ្យប៉ះពាល់ដល់ទំនាក់ទំនងជាមួយសហរដ្ឋអាម៉េរិកជាខ្លាំង។
នៅដើមដំណើរទស្សនកិច្ចនេះ លោកស្រី Yellen បានរិះគន់ការទប់ស្កាត់របស់ទីក្រុងប៉េកាំងប្រឆាំងនឹងក្រុមហ៊ុនអាម៉េរិក រួមទាំងការរឹតបន្តឹងការគ្រប់គ្រងលើការនាំចេញវត្ថុធាតុពីរដែលមានសារៈសំខាន់សម្រាប់ផលិតបន្ទះឈីបកុំព្យូទ័រ។ចំណាត់ការនេះធ្វើឡើងបន្ទាប់ពីកិច្ចខិតខំប្រឹងប្រែងរបស់ទីក្រុងវ៉ាស៊ីនតោនកាលពីឆ្នាំមុន ដើម្បីទប់ស្កាត់ការចូលប្រើប្រាស់បន្ទះឈីបកុំព្យូទ័រកម្រិតខ្ពស់មួយចំនួនរបស់ចិន។
ជាការឆ្លើយតប ក្រសួងហិរញ្ញវត្ថុរបស់ប្រទេសចិនបាននិយាយថា "ធម្មជាតិនៃទំនាក់ទំនងសេដ្ឋកិច្ច និងពាណិជ្ជកម្មចិន-អាម៉េរិក គឺផ្តល់ផលប្រយោជន៍ទៅវិញទៅមក" ហើយគ្មានអ្នកឈ្នះនៅក្នុងសង្គ្រាមពាណិជ្ជកម្មនោះទេ។
ទោះបីជាមានភាពតានតឹងផ្នែកនយោបាយក៏ដោយ ពាណិជ្ជកម្មរវាងប្រទេសទាំងពីរបានកើនឡើងនៅឆ្នាំ ២០២២ និងឆ្នាំបន្តបន្ទាប់។ យោងតាមតួលេខផ្លូវការ ប្រទេសចិនបាននាំចេញទំនិញជាង ៤២២ ពាន់លានដុល្លារ ទៅកាន់សហរដ្ឋអាម៉េរិកកាលពីឆ្នាំមុន ខណៈដែលទំនិញ ១៥៤ ពាន់លានដុល្លារបានទៅទិសដៅផ្សេងទៀតនៅជុំវិញពិភពលោក៕
