ភ្នំពេញ៖ យុវជនឆ្នើម ៤ រូបនឹងត្រូវឡើងមកធ្វើការនិយាយជាសាធារណៈ នៃកម្មវិធីជជែកដេញដោលយុវជនថ្នាក់ជាតិឆ្នាំ២០២៣ ក្រោមប្រធានបទ៤ផ្សេងគ្នា ដែលទាក់ទងទៅនឹងវិស័យអប់រំ យុវជន និងកីឡា។ កម្មវិធីប្រកួតប្រជែងនេះ ប្រព្រឹត្តទៅនាថ្ងៃទី០៨ ខែកក្កដា ឆ្នាំ២០២៣ ចាប់ពីម៉ោង ៧:៤៥ នាទីព្រឹកតទៅ។
ប្រធានបទ ដែលទាក់ទងទៅនឹងវិស័យអប់រំ យុវជន និងកីឡា នៅក្នុងការប្រកួតនេះ រួមមាន កំហុសអ្នកណា? បកស្រាយដោយយុវតី សុន បុប្ផារយៈ, អាវុធមុខពីរ មកស្រាយដោយយុវតី សឺង សួនរ៉ូហ្សា, គ្រាប់ពេជ្រកម្ពុជា បកស្រាយដោយ យុវតី ម៉េង រិទ្ធរក្សា និង បច្ចេកវិទ្យា AI ជំរុញការអប់រំឌីជីថល បកស្រាយដោយយុវតី ឈឿន អូនធំ។
គួរបញ្ជាក់ថា ក្នុងឆ្នាំនេះ ជាឆ្នាំដំបូងដែលកម្មវិធីជជែកដេញដោលយុវជនថ្នាក់ជាតិបានបង្កើតការប្រកួតនិយាយជាសាធារណៈ ដើម្បីផ្ដល់ជាឳកាសបញ្ចេញសមត្ថភាពបន្ថែមទៀតទៅដល់យុវជនឆ្នើមជាងគេក្នុងក្រុម ដែលបានសម្រិតសម្រាំងមកពីវគ្គជម្រុះជុំទី៣ នៃការជជែកដេញដោលយុវជនថ្នាក់ជាតិ២០២៣៕
