សៀមរាប៖ អាជ្ញាធរជាតិអប្សរា នាព្រឹកថ្ងៃទី០៥ ខែកក្កដា ឆ្នាំ២០២៣ បានប្រកាសច្រានចោលនូវរូបភាពមួយចំនួនដែលជារូបភាពចាស់ ហើយនៅមានការបន្តចែកចាយខ្លះៗនៅក្នុងបណ្តាញសង្គមហ្វេសប៊ុកនៅឡើយ ក្នុងន័យមិនល្អសំដៅដល់ការងារគ្រប់គ្រង និងថែរក្សាតំបន់រមណីយដ្ឋានអង្គរ របស់អាជ្ញាធរជាតិអប្សរា ដែលជាសេនាធិការរបស់រាជរដ្ឋាភិបាលកម្ពុជា។
លោក ឡុង កុសល អគ្គនាយករង និងជាអ្នកនាំពាក្យអាជ្ញាធរជាតិអប្សរា បានថ្លែងប្រាប់សារព័ត៌មានស៊ីស៊ីថាមស៍ថា រូបភាពប្រាសាទរងការប៉ះពាល់ដែលបានចែកចាយនៅក្នុងបណ្តាញសង្គមហ្វេសប៊ុកជារូបភាពចាស់។ រូបនេះស្ថិត នៅប្រាសាទព្រះខ័នកំពង់ស្វាយ ដែលប៉ះពាល់តាំងតែពីទស្សវតរ៍ឆ្នាំ១៩៩០ មិនមែនថ្មីៗនេះទេ៕
