គ្រូបង្ហាត់«របាំព្រះរាជទ្រព្យ»សល់ពីទសវត្ស៦០ទទួលមរណភាពនៅព្រឹកនេះ

ភ្នំពេញ៖ លោកជំទាវ ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ បានទទួលមរណភាព ក្នុងជន្មាយុ ៧៧ឆ្នាំ វេលាម៉ោង៤៖០០ព្រឹក នាថ្ងៃទី០៤ កក្កដា។ លោកជំទាវ ម៉ិញ កុសនី ជាសិល្បករផ្នែករបាំព្រះរាជទ្រព្យ ចាប់តាំងពីកំឡុងចុងទសវត្សទី៦០មក និងជាគ្រូរបាំព្រះរាជទ្រព្យ ផងដែរ។

ក្នុងកំឡុងទសវត្សទី៨០ដល់៩០នោះ លោកជំទាវ ម៉ិញ កុសនី ធ្លាប់ធ្វើជាសាស្ត្រាចារ្យបង្ហាត់ជំនាញសិល្បៈរបាំបុរាណដល់ កុលបុត្រ កុលធីតាខ្មែរជំនាន់ក្រោយជាច្រើននាក់ រហូតមកដល់ពេលនេះ កូនសិស្សទាំងអស់របស់គាត់ ក៏បានក្លាយជាអ្នកបន្តវេនស្នងមរតកសិល្បៈវប្បធម៌ជាតិដ៏ល្អផូរផង់ នេះថែមទៀតផង៕