ខេត្តត្បូងឃ្មុំដាំកូនឈើ៥ពាន់ដើម ដើម្បីប្រែក្លាយជាសហគមន៍បៃតងគំរូ

ត្បូងឃ្មុំ៖ ខេត្តត្បូងឃ្មុំ កាលពីថ្ងៃទី០២ កក្កដា បានប្រារព្ធពិធីដាំកូនឈើចំនួន ៥០០០ដើម ក្រោមប្រធានបទ «យើងរួមគ្នាបង្កើតភូមិបៃតង» ដែលស្ថិតក្នុងនៅភូមិខ្ពប២ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ។ កម្មវិធីនេះរៀបចំក្នុងគោលបំណង ឲ្យប្រជាសហគមន៍ភូមិខ្ពប២ ដាំដើមឈើដើម្បីរៀបចំសោភ័ណភាពសហគមន៍របស់ពួកគេ ឲ្យប្រែក្លាយជាសហគមន៍បៃតងគំរូ និងជាពិសេសឲ្យទៅជាសហគមន៍ទេសចរណ៍មូស្លីម (Muslim Community Tourism) ដែលជាគោលដៅទេសចរណ៍មួយ ជាពិសេសទេសចរមូស្លីម។

ប្រជាសហគមន៍ភូមិខ្ពប២ ដាំដើមឈើដើម្បីរៀបចំសោភ័ណភាពសហគមន៍របស់ពួកគេ ឲ្យប្រែក្លាយជាសហគមន៍បៃតងគំរូ និងជាពិសេសឲ្យទៅជាសហគមន៍ទេសចរណ៍មូស្លីម (Muslim Community Tourism) ដែលជាគោលដៅទេសចរណ៍មួយ ជាពិសេសទេសចរមូស្លីម ។ ខេត្តត្បូងឃ្មុំជាខេត្តដែលមានសក្តានុពលទេសចរណ៍ជាច្រើន ក្នុងនោះ ផលិតផលទេសចរណ៍នៅតាមសហគមន៍ខ្មែរឥស្លាម ក៏ចាត់ទុក និងអាចរៀបចំ ដើម្បីបម្រើដល់វិស័យទេសចរណ៍ ជាពិសេសទេសចរណ៍មូស្លីម ដោយសារមានផលិតផលជាច្រើនទាំងនោះមានប្រវត្តិ និងអាយុកាលយូរឆ្នាំមកម្ល៉េះ៕