ឥណ្ឌា៖ សីតុណ្ហភាពកើនឡើងខ្លាំងបានធ្វើឱ្យមនុស្សជាង ១៧០ នាក់បានស្លាប់នៅក្នុងរដ្ឋភាគខាងជើងនៃប្រទេសឥណ្ឌាក្នុងរយៈពេលប៉ុន្មានថ្ងៃថ្មីៗនេះ។ ពលរដ្ឋឥណ្ឌាជាច្រើនរយនាក់ត្រូវបានគេបញ្ជូនទៅកាន់មន្ទីពេទ្យសង្រ្គោះបន្ទាន់ក្រោយពីរងកម្តៅថ្ងៃក្តៅខ្លាំង ចំពេលនៅក្នុងមន្ទីពេទ្យខ្វះខាតឧបករណ៍សង្រ្គោះផ្សេងៗ និងដាច់ចរន្តអគ្គិសនី និងទឹកបានបណ្តាលឲ្យសភាពរបស់ជនរងគ្រោះអាក្រក់ៗរហូតដល់បាត់បង់ជីវិត។
យោងតាមនាយកដ្ឋានឧតុនិយមនៃប្រទេសឥណ្ឌា សីតុណ្ហភាពនាពេលថ្មីៗនេះបានបន្តកើនឡើងលើសពីមធ្យមភាគ ដោយខ្ពស់បំផុតឈានដល់ ៤៣.៥ អង្សាសេ។ រដ្ឋាភិបាលឥណ្ឌាបានចេញការព្រមានអំពីសីតុណ្ហភាពខ្ពស់នៅក្នុងរដ្ឋ Uttar Pradesh និងកន្លែងផ្សេងទៀត។
យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថាមន្ត្រីសុខាភិបាល ១១៩ នាក់បានស្លាប់នៅក្នុងរដ្ឋ Uttar Pradesh និង ៤៧ នាក់នៅក្នុងរដ្ឋ Bihar ក្រោយពីកម្តៅកើនឡើងខ្លាំង និងប៉ះពាល់ដល់សុខភាពរបស់ពលរដ្ឋនៅក្នុងតំបន់នោះ៕
