អាហ្សង់ទីន៖ កំពូលតារាបាល់ទាត់អាហ្សង់ទីន Lionel Messi បានរំលឹកឡើងវិញពីការចាញ់ របស់ក្រុមរបស់លោកចំពោះអារ៉ាប៊ីសាអូឌីតក្នុងការប្រកួតបាល់ទាត់ពិភពលោក Qatar 2022 នៅក្នុងបទសម្ភាសន៍នៅទីក្រុងប៉េកាំងកាលពីថ្ងៃពុធ។
Messi និងក្រុមបាល់ទាត់ជម្រើសជាតិអាហ្សង់ទីនបានមកដល់ទីក្រុង ហាន់សូ កាលពីថ្ងៃសៅរ៍សប្តាហ៍មុនដើម្បីប្រកួតមិត្តភាពជាមួយនឹងអូស្ត្រាលីក្នុងកីឡដ្ឋានប៉េកាំងដែលទើបនឹងជួសជុលថ្មីក្នុងរដ្ឋធានីរបស់ប្រទេសចិន។ ហ្វូងអ្នកគាំទ្របានស្វាគមន៍ការមកដល់របស់ក្រុមអាហ្សង់ទីននៅអាកាសយានដ្ឋាន។
មុនការប្រកួត Messi បានអង្គុយជាមួយទូរទស្សន៍កណ្តាលចិន (CCTV) ហើយពិភាក្សាពីការចាញ់អារ៉ាប៊ីសាអូឌីត ១-២ ក្នុងការប្រកួត FIFA World Cup ពូល C កាលពីថ្ងៃទី ២២ ខែវិច្ឆិកា ឆ្នាំ ២០២២។ បើតាមតារាឆ្នើមនៅថ្ងៃនោះគឺជាចំណុចរបត់មួយ សម្រាប់ក្រុមលោក ដោយផ្តល់នូវមេរៀនដ៏មានតម្លៃមួយដើម្បីជំរុញឲ្យក្រុមរបស់លោកដណ្តើមបានជ័យជម្នះក្នុងពានរង្វាន់ World Cup 2022។
គួរបញ្ជាក់ថាបន្ទាប់ពីការប្រកួតចំនួន ៦ ទៀត រួមទាំងការប្រកួតផ្តាច់ព្រ័ត្រ World Cup ជាមួយប្រទេសបារាំង អាហ្សង់ទីនបានឈ្នះពានរង្វាន់ FIFA World Cup ឆ្នាំ 2022 ហើយ Lionel Messi គឺជាកីឡាករដំបូងគេដែលឈ្នះពានរង្វាន់ពីរដងក្នុងនោះមានបាល់មាស និង FIFA World Cup៕
