ភ្នំពេញ៖ អតីតគ្រូបង្វិកក្រុមជម្រើសជាតិកម្ពុជា នាថ្ងៃទី១៣ មិថុនានេះ បានផ្ញើរសារជូនពរដល់ក្រុមជម្រើសជាតិកម្ពុជាឱ្យទទួលបានជ័យជំនះ ក្នុងជំនួបមិត្តភាពអន្តរជាតិជាមួយនឹងក្រុមជម្រើសជាតិបង់ក្លាដែស នាពហុកីឡដ្ឋានជាតិអូឡាំពិក។
យោងតាមគេហទំព័រ Facebook ផ្លូវការរបស់លោក Keisuke Honda បានបង្ហោះសារលើកទឹកចិត្តដល់ក្រុមជម្រើសជាតិកម្ពុជាថា «អរគុណសម្រាប់ការសួរសុខទុក្ខរបស់អ្នកមកកាន់ខ្ញុំ ហើយខ្ញុំសូមជូនពរឱ្យអ្នកជួបរឿងសំណាងល្អសម្រាប់ការប្រកួតនៅថ្ងៃទី១៥ ខាងមុខនេះ»។ ទោះបីជាលោកអស់ភារកិច្ចក្នុងក្រុមជម្រើសជាតិកម្ពុជាក៏ពិតមែន ប៉ុន្តែលោក នៅតែស្រឡាញ់គាំទ្រក្រុមជម្រើសជាតិកម្ពុជាដដែល។
គួរបញ្ជាក់ថា ការប្រកួតអន្តរជាតិកម្ពុជា ប៉ះបង់ក្លាដែស នឹងចាប់ផ្ដើមការប្រកួតនៅថ្ងៃទី១៥ មិថុនាខាងមុខនេះ ដោយមានអ្នកចាត់ការទូទៅក្រុមជម្រើសជាតិកម្ពុជា បន្ទាប់ពីលោក Keisuke Honda គឺលោក Félix Dalmás សញ្ជាតិអាហ្សង់ទីនវ័យ៣៥ឆ្នាំ នឹងដឹកនាំក្រុមជម្រើសជាតិកម្ពុជា ប៉ះបង់ក្លាដែសផងដែរ៕
