កម្ពុជា៖ សត្វព្រៃកម្រ៤ប្រភេទ ត្រូវបានថតដោយម៉ាស៊ីនថតស្វ័យប្រវត្តិដែលបានដាក់នៅក្នុងតំបន់ការពារធម្មជាតិកម្ពុជា។ សត្វព្រៃទាំងនោះរួមមាន សត្វជ្រូកព្រៃ ស្វាត្រូស កាំប្រម៉ា និងសត្វក្តាន់ញ៉ែង។
តាមរយៈរូបភាពពីម៉ាស៊ីនថតស្វ័យប្រវត្តិដែលបានដាក់នៅក្នុងតំបន់ការពារធម្មជាតិកម្ពុជា បានថតជាប់រូបភាពសត្វកម្រដែលជិតផុតពូជចំនួន៤ រួមមាន សត្វជ្រូកព្រៃ ស្វាត្រូស កាំប្រម៉ា និងសត្វក្តាន់ញ៉ែង។ ដោយសារកត្តាសុខសន្តិភាពពេញលេញ ការការពារនិងអភរិក្សធនធានធម្មជាតិមានភាពល្អប្រសើរ និងធ្វើឱ្យតំបន់ការពារធម្មជាតិកាន់តែមានសុវត្ថិភាពខ្ពស់ ។
យោងតាមការសិក្សានៅតាមតំបន់ការពារធម្មជាតិនានា ប្រភេទសត្វព្រៃមួយចំនួនមានការកើនឡើងជាពិសេសប្រភេទសត្វរកស៊ីនៅលើដើមឈើ និងសត្វស្លាប ចំណែកប្រភេទសត្វក្រចកជើងចំពាមភាគច្រើនដូចជាឈ្លូស ប្រើស ក្តាន់ ទន្សោង ខ្ទីង កែះជាដើម ទទួលរងនូវការគំរាមកំហែង និងមានចំនួនថយចុះដោយសារតែបញ្ហាអន្ទាក់។ សត្វព្រៃមួយចំនួនទៀតដូចជាសត្វជ្រូកព្រៃ នៅតំបន់ខ្លះឃើញមានវត្តមានកើនឡើង និងតំបន់ខ្លះមានចំនួនថេរ៕
.jpg?1686642599)
