កីឡាការិនីចំបាប់កម្ពុជា ឌិត សំណាង ដណ្ដើមបានមេដាយប្រាក់ នៅសិង្ហបុរី

សិង្ហបុរី៖ កីឡាការិនីចំបាប់កម្ពុជា នៅថ្ងៃទី១១ មិថុនា បានឈ្នះមេដាយប្រាក់នៃការប្រកួតកីឡាចំបាប់ឆ្នេរខ្សាច់ពិភពលោក (Beach Wrestling World Series 2023 in Singapore) នៅប្រទេសសិង្ហបុរី ។

កីឡាការិនីចំបាប់កម្ពុជា ឌិត សំណាង បានឈ្នះមេដាយប្រាក់នៃការប្រកួតកីឡាចំបាប់ឆ្នេរខ្សាច់ពិភពលោក (Beach Wrestling World Series 2023 in Singapore) ដោយបានឆ្លងកាត់ ៥ប្រកួត មុនទទួលបានមេដាយប្រាក់ ដោយយកឈ្នះកីឡាការិនីមកពីប្រទេស អាហ្វ្រិក កេនយ៉ា បារាំង អេស្ប៉ាញ និងកីឡាការិនីចិន (វគ្គពាក់កណ្ដាលផ្ដាច់ព្រ័ត្រ) តែនៅវគ្គផ្ដាច់ព្រ័ត្រនៃការប្រកួតចុងក្រោយ បានចាញ់កីឡាការិនីរ៉ូម៉ានី Priceputu ទទួលបានត្រឹមមេដាយប្រាក់។

សូមបញ្ជាក់ថា កីឡាករ-កីឡការិនីជម្រើសជាតិចំបាប់កម្ពុជា ចំនួន ០៥រូប ដែលបានធ្វើដំណើរចាកចេញពីកម្ពុជា ដើម្បីទៅចូលរួមប្រកួតក្នុងព្រឹត្តិការណ៍ Singapore Beach Wrestling World Series នៅប្រទេសសិង្ហបុរី ដែលបានប្រកួត ចាប់ពីថ្ងៃទី១០-១១ មិថុនា។ ដែលក្នុងនោះមានកីឡាករ និងកីឡាការិនី រួមមាន៖ កីឡាករ ហេង វុទ្ធី, កីឡាករ ឆាំ ពិស៊ិន, កីឡាករ ឈឿន ឈាង, កីឡាការិនី ឌិត សំណាង និងកីឡាការិនី សឿន នឿន ដែលបានទៅចូលរួមផងដែរ៕