ភ្នំពេញ៖ កីឡាករប៉ារ៉ាលើកទម្ងន់កម្ពុជា ថ្ងៃទី០៧ មិថុនានេះ បានប្រកួតឈ្នះមេដាយមាស លើប្រភេទកីឡាប៉ារ៉ាលើកទម្ងន់ ១០៧គីឡូក្រាម នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ធ្វើឡើងនៅមជ្ឈមណ្ឌលជាតិនៃជនពិការតេជោសែន។
កីឡាករ គង់ សិលា បានឈ្នះមេដាយមាសជាលើកដំបូងរបស់ខ្លួននៅកម្ពុជា លើប្រភេទកីឡាប៉ារ៉ាលើកទម្ងន់ វិញ្ញាសាទម្ងន់ក្រោម ១០៧គីឡូក្រាម (លើកសរុប៣ជុំ ១៥៨គីឡូក្រាម)នៃព្រឹត្តិការណ៍អាស៊ានប៉ារ៉ាហ្គេម លើកទី១២។ ហើយក៏ជាជ័យជំន្នះលើកដំបូងរបស់កម្ពុជាផងដែរ ដែលឈ្នះមេដាយមាស ក្នុងវិញ្ញាសាលើកទម្ងន់ ដែលកម្ពុជាធ្វើជាម្ចាស់ផ្ទះ៕
