វៀតណាមនៅតែបន្ដឈរនៅលេខ១ក្នុងនាមជាអ្នកឈ្នះមេដាយមាសច្រើនជាងគេ គិតត្រឹមម៉ោង៥ល្ងាចនេះ

Update៖ គិតត្រឹមថ្ងៃទី១២ ឧសភា វេលាម៉ោង ៥:០០នាទីល្ងាចនេះ វៀតណាមនៅតែបន្ដឈរនៅលេខ១ ក្នុងនាមជាអ្នកឈ្នះមេដាយ ច្រើនជាងគេ ខណៈពេលដែលកម្ពុជានៅតែបន្ដឈរនៅលេខរៀងទី២ ក្នុងការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

គួរបញ្ជាក់ថា មកដល់ពេលនេះ ប្រទេសវៀតណាមឈ្នះមេដាយចំនួន ១៩១ ក្នុងនោះមេដាយមាស ចំនួន ៥៩ មេដាយប្រាក់ចំនួន ៥៩ និងមេដាយសំរឹទ្ធចំនួន ៧៣។ ស្របពេលដែល កម្ពុជាឈរនៅលេខរៀងទី២ ឈ្នះមេដាយចំនួន ១៥៦ ក្នុងនោះមេដាយមាស ចំនួន ៥៦ មេដាយប្រាក់ចំនួន ៤៤ និងមេដាយសំរឹទ្ធចំនួន ៥៦ ខណៈពេលដែលថៃ ធ្លាក់មកលេខរៀងទី៣ ឈ្នះមេដាយចំនួន ១៥៤ ក្នុងនោះមានមេដាយមាស ចំនួន ៥៥ មេដាយប្រាក់ចំនួន ៣៩ និងមេដាយសំរឹទ្ធចំនួន ៦០៕