សង្រ្គាមស៊ីវិលនៅស៊ូដង់បង្កឲ្យមានជនភៀសខ្លួនរាប់ម៉ឺននាក់

ស៊ូដង់៖ មនុស្សជាង ១០០,០០០ នាក់បានភៀសខ្លួនចេញពីប្រទេសស៊ូដង់ដោយសារតែការប្រយុទ្ធគ្នារវាងកងកម្លាំងរដ្ឋាភិបាល និងកងជីវពលឧទ្ទាម ដោយប្រមុន UN បានព្រមានថាចំនួនជនភៀសខ្លួនសង្រ្គាមនៅទីបំផុតអាចកើនឡើងដល់ ៨០០,០០០ ។

អ្នកនាំពាក្យរបស់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) លោកស្រី Olga Sarrado បានគូសបញ្ជាក់អំពីវិបត្តិជនភៀសខ្លួនដែលកំពុងកើនឡើងថា ប្រទេសជិតខាងរបស់ស៊ូដង់មិនមានលក្ខណៈគ្រប់គ្រាន់ដើម្បីដោះស្រាយការជម្លៀសប្រជាជនដ៏ច្រើននោះទេ។ ដើម្បីផ្តល់ការការពារ និងជំនួយ” លោកបន្ថែមថា ពួកគេនឹងត្រូវការជំនួយជាអាហារ ទឹក ទីជម្រក សេវាថែទាំសុខភាព និងការការពារកុមារ។

ស្ថានភាពសន្តិសុខក្នុងប្រទេសស៊ូដង់បានធ្លាក់ចុះយ៉ាងឆាប់រហ័សចាប់តាំងពីថ្ងៃទី ១៥ ខែមេសា នៅពេលដែលការប៉ះទង្គិចគ្នាបានផ្ទុះឡើងរវាងរដ្ឋាភិបាល និងកងកម្លាំងគាំទ្ររហ័ស (RSF) របស់ប្រទេសនេះ។ RSF បានដើរតួយ៉ាងសំខាន់ក្នុងការទម្លាក់ប្រធានាធិបតីស៊ូដង់ Omar al-Bashir ឆ្នាំ ២០១៩ ដែលបានកាន់អំណាចអស់រយៈពេល ៣០ ឆ្នាំមុនពេលធ្វើរដ្ឋប្រហារ ប៉ុន្តែក្រុមជីវពលបានទប់ទល់នឹងការធ្វើសមាហរណកម្មជាផ្លូវការទៅក្នុងយោធា ដោយជំរុញឱ្យមានការតស៊ូអំណាច៕