កម្មវីធី បទបង្ហាញពីការប្រកួតប្រជែងបច្ចេកវិទ្យានវានុវត្តន៍

បន្ទាប់ពីការចុះអនុស្សារណៈយោគយល់រវាងសាកលវិទ្យាល័យខេមតិច ជាមួយសហគ្រិនខ្មែរកាលថ្ងៃទី០៥ ខែមេសា ឆ្នាំ២០២៣កន្លងទៅនេះ សាកលវិទ្យាល័យខេមតិចបានរៀបចំ បទបង្ហាញពីការប្រកួតប្រជែងបច្ចេកវិទ្យានវានុវត្តន៍ (Innovative Tech Challenge: Building the Innovative future today) ដែលមាននិស្សិតចូលរួមសរុបប្រហែល១២០នាក់ដែលមកពីសាកលវិទ្យាល័យនានា នៅរាជធានីភ្នំពេញ នារសៀលថ្ងៃទី២៨ ខែមេសា ឆ្នាំ២០២៣ នៅសាកលវិទ្យាល័យខេមតិច ក្រោមការឧបត្ថម្ភផ្នែកហិរញ្ញវត្ថុ ពីសហគ្រិនខ្មែរ និង UNESCAP។

កម្មវិធីបទបង្ហាញនេះ នេះមានគោលបំណងបង្ហាញពីប្រធានបទសម្រាប់ធ្វើការស្រាវជ្រាវ នវានុវត្តន៍ និងការបណ្តុះគំនិតសហគ្រិនភាពដល់សិស្សនិស្សិត ដោយសង្ឃឹមយ៉ាងមុតមាំថា និសិ្សតនឹងបង្កើតគំនិតអាជីវកម្មថ្មីនាពេលអនាគត។ កម្មវិធីនេះ គឺមានការបណ្តុះបណ្តាលធុរកិច្ចដែលមានរយៈពេល៤ខែសម្រាប់ការរៀនអភិវឌ្ឍគំនិតថ្មីៗទាក់ទងនិងបច្ចេកវិទ្យា ផែនការអាជីវកម្ម និងពង្រឹងជំនាញសហគ្រិនភាពរហូតដល់ការប្រកួតប្រជែងជ័យលាភីផងដែរ។

គោលបំណងសំខាន់នៃការប្រកួតប្រជែងបច្ចេកវិទ្យានវានុវត្តន៍នេះគឺ

១)ផ្តល់ជាថវិកាសម្រាប់ការគាំទ្រដល់ចាប់ផ្តើមបង្កើតគំនិតធុរកិច្ចថ្មី និងជំរុញឱ្យគំនិតធុរកិច្ចថ្មីនេះក្លាយជាក្រុមហ៊ុន/អាជីវកម្មផ្នែកបច្ចេកវិទ្យានាពេលអនាគត

២) ផ្តល់វគ្គបណ្តុះបណ្តាលធុរកិច្ចដល់និសិ្សតដែលចាប់ផ្តើមអាជីវកម្មបង្កើតគំរូធុរកិច្ចថ្មី

៣) ជំរុញ និងបង្កើនបន្ថែមនូវប្រព័ន្ធធុរកិច្ចថ្មីនៅកម្ពុជា។

ជ័យលាភីទី១នឹងទទួលបាន៣៥០០ដុល្លាអាមេរិក

ជ័យលាភីទី២នឹងទទួលបាន២៥០០ដុល្លាអាមេរិក

ជ័យលាភីទី៣នឹងទទួលបាន២០០០ដុល្លាអាមេរិក

ជ័យលាភីចំនួន៧ក្រុមដែលបានឆ្លងមកវគ្គផ្តាច់ព្រ័ត្រនឹងទទួលបាន១០០០ដុល្លារអាមេរិច

ការបរិច្ឆេទការទទួលពាក្យ និងវគ្គបណ្តុះបណ្តាល

ថ្ងៃទី២១ ខែឧសភា ឆ្នាំ២០២៣ ឈប់ទទួលសំណើរ

ថ្ងៃទី៣១ ខែឧសភា ឆ្នាំ២០២៣ ប្រកាសលទ្ធផលក្រុមឡើងទៅវគ្គផ្តាច់ព្រ័ត្រ

ថ្ងៃទី០៩ ខែមិថុនាដល់ថ្ងៃទី២៩ ខែកក្តដា ឆ្នាំ២០២៣ កម្មវិធីបណ្តុះបណ្តាល

ថ្ងៃទី១៣ ខែសីហា ឆ្នាំ២០២៣ ឈប់ទទួលសំណើរវគ្គផ្តាច់ព្រ័ត្រ

ថ្ងៃទី២៦ ខែសីហា ឆ្នាំ២០២៣ ការប្រកួតប្រជែងវគ្គផ្តាច់ព្រ័ត្រ។