ភ្នំពេញ៖ សម្ដេច ហ៊ុន សែន នាថ្ងៃទី ២៥ ខែមេសា បានជូនដំណឹងដល់អភិបាលខេត្ត និងអភិបាលរាជធានី ត្រូវរៀបចំដាក់ស្លាយជូនប្រជាពលរដ្ឋដែលមិនបានចូលរួមទស្សនាដោយផ្ទាល់ក្នុងការប្រកួតកីឡាសុីហ្គេម លើកទី៣២ ឆ្នាំ២០២៣។
សម្ដេច ហ៊ុន សែន នាយករដ្ឋមន្ត្រីនៃកម្ពុជា បានប្រសាសន៍ថា អភិបាលរាជធានី និងអភិបាលខេត្ត ទាំងអស់ ត្រូវដាក់បញ្ចាំងជាផ្សាយបន្តផ្ទាល់ការប្រកួត នៅពហុកីឡាដ្ឋានជាតិ និងស្តាតមរតកតេជោ ដោយសាលប្រកួតមានទំហំតូច ហើយនាក់ចូលរួមទស្សនាមានចំនួនច្រើន។ ដូចច្នេះសូមអភិបាលខេត្ត និងអភិបាលរាជធានីភ្នំពេញ រៀបចំទីតាំងសមរម្យដើម្បីដាក់ស្លាយឲ្យពលរដ្ឋបានទស្សនាឲ្យបានឆាប់។
គួរបញ្ជាក់ថា ក្រុមកីឡាបាល់ទាត់បុរសជម្រើសជាតិកម្ពុជា នៅថ្ងៃទី២៩ មេសា នឹងត្រូវប្រកួតជាមួយ ក្រុមទីម័រខាងកើត ក្នុងព្រឹត្តិការណ៍កីឡាសុីហ្គេម លើកទី៣២ នៅពហុកីឡាដ្ឋានជាតិអូឡាំពិក នាសប្ដាហ៍នេះ៕
