FIFA ដកសិទ្ធិឥណ្ឌូនេស៊ីធ្វើជាម្ចាស់ផ្ទះ U20 World Cup ក្រោយមានបញ្ហាក្នុងប្រទេស

ហ្សង់ទីន ៖ FIFA សម្រេចដកសិទ្ធិឥណ្ឌូនេស៊ីធ្វើជាម្ចាស់ផ្ទះ U20 World Cup ក្រោយមានបញ្ហាក្រុមបាតុករចេញបាតុកម្មប្រឆាំងនិងរដ្ឋាភិបាលដែលមិនឲ្យអ៊ីស្រាអែលចូលប្រកួត U20 World Cup។ ប្រទេសអាហ្សង់ទីន ត្រូវបានជ្រើសរើសធ្វើជាម្ចាស់ផ្ទះក្នុងការប្រកួតបាល់ទាត់ពិភពលោក FIFA U-20 World Cup បន្ទាប់ពីស្ថាប័នបាល់ទាត់ពិភពលោក FIFA បានដកហូតសិទ្ធិរបស់ប្រទេសឥណ្ឌូណេស៊ី។

ប្រមុខអ្នកគ្រប់គ្រង FIFA កាលពីថ្ងៃទី ២៩ខែមីនាឆ្នាំ២០២៣ កន្លងទៅបានប្រកាសដកសិទ្ធិប្រទេសឥណ្ឌូនេស៊ីដែលខ្លួនគ្រោងក្នុងការធ្វើជាម្ចាស់ផ្ទះ U20 World Cup ក្រោយពីអ្នកគាំទ្រក្នុងប្រទេសឥណ្ឌូនេស៊ីបាននាំគ្នាធ្វើបាតុកម្មបន្ទាប់ពីអភិបាលខេត្តនៃកោះបាលីបានប្រកាសបដិសេធមិនឲ្យក្រុមបាល់ទាត់អ៊ីស្រាអែលចូលរួមក្នុងការប្រកួត។ ដូច្នោះសមាគមបាល់ទាត់អាហ្សង់ទីន (AFA) បានដាក់ដេញថ្លៃ ដើម្បីទទួលបានសិទ្ធធ្វើជាម្ចាស់ផ្ទះនាពេលខាងមុខ។

គួរបញ្ជាក់ដែរថា ការចាប់ឆ្នោតចែកពូល នឹងប្រព្រឹត្តទៅនៅទីក្រុង Zurich ហើយការប្រកួតនឹងប្រព្រឹត្តទៅចាប់ពីថ្ងៃទី ២០ ខែឧសភា ដល់ថ្ងៃទី១១ ខែមិថុនា ឆ្នាំ២០២៣ ក្នុងទឹកដីនៃប្រទេសអាហ្សង់ទីន៕