តន់ ចន្ទសីម៉ា សម្រេចក្ដីស្រមៃច្រៀងលើឆាកធំក្នុងព្រឹត្តិការណ៍«អង្គរសង្ក្រាន្ត»

ភ្នំពេញ៖ តារាចម្រៀងវ័យក្មេង កញ្ញា តន់ ចន្ទសីម៉ា បានសម្រេចក្ដីស្រមៃដែលមានកាលពីឆ្នាំ២០១៥ ច្រើងលើឆាកធំក្នុងព្រឹត្តិការណ៍ «អង្គរសង្ក្រាន្ត»។ នេះបើតាមការបង្ហោះលើគណនីហ្វេសប៊ុកផ្លូវការរបស់កញ្ញា តន់ ចន្ទសីម៉ា នាថ្ងៃទី១៨ មេសា នេះ។

នៅក្នុងឆ្នាំ២០២៣នេះ កញ្ញា តន់ ចន្ទសីម៉ា បានសម្រេចក្ដីស្រមៃដោយការច្រៀងលើឆាកធំក្នុងព្រឹត្តិការណ៍ «អង្គរសង្ក្រាន្ត» ខណៈកាលពីឆ្នាំ២០១៥ តារាចម្រៀងរូបនេះជាយុវជនស្ម័គ្រចិត្តស.ស.យ.ក-ខេត្តតាកែវច្រៀងបទនគររាជ និងពង្សាវតាបើកព្រឹត្តិការណ៍អង្គរសង្ក្រាន្ត តែប៉ុណ្ណោះ។

គួរបញ្ជាក់ថា កញ្ញា តន់ ចន្ទសីម៉ា មានស្រុកកំណើតនៅខេត្តតាកែវ ដែលលោកឪពុកជាមន្ត្រីរាជការ និងម្ដាយជាស្ត្រីមេផ្ទះ នាងជាកូនទី៣ ក្នុងចំណោម ៤នាក់។ កញ្ញា តន់ ចន្ទសីម៉ា បានឈានជើងចូលផលិតកម្ម Galaxy Navatra នៅក្នុងឆ្នាំ២០១៩៕