.png?1741682398)
ភ្នំពេញ៖ សម្តេច ហ៊ុន សែន នៅថ្ងៃទី០៨ខែមេសានេះ បានប្រកាសឧបត្ថម្ភដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន២០,០០០ដុល្លារ ដើម្បីជាការលើកទឹកចិត្ត។
សម្តេច ហ៊ុន សែន បានលើកឡើងថា ដើម្បីជាការលើកទឹកចិត្ត សម្តេចសូមចូលរួមជួយឧបត្ថម្ភដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន២០,០០០ដុល្លារ។ មួយវិញទៀតប្រសិនបើមិនខុសទាស់ផ្នែកផ្លូវច្បាប់ណាមួយរបស់ប្រេស៊ីល សម្តេចនឹងស្នើទៅព្រះមហាក្សត្រ ដើម្បីផ្តល់សញ្ជាតិខ្មែរជូនកីឡាករ Thiago។
សូមជម្រាបថា កីឡាករប្រដាល់សញ្ជាតិប្រេស៊ីល Thiago កាលពីកន្លងទៅធ្លាប់បានលើកឡើងថា លោកពិតជាគោរពស្រឡាញ់ប្រជាជនកម្ពុជាយ៉ាងខ្លាំង។ ជាពិសេសលោកចង់សិក្សាអំពីគុនខ្មែរ និងវប្បធម៌ខ្មែរ ទៅផ្សព្វផ្សាយលើពិភពលោក។ ហើយការមកហ្វឹកហាត់គុនខ្មែរនៅកម្ពុជានេះ គឺលោកយល់ឃើញថា គុនខ្មែរ គឺជាកីឡាមួយដែលពោរពេញទៅដោយក្បាច់ប្រយុទ្ធច្បាស់លាស់ និង ងាយស្រួលចាប់ចំណុចខ្សោយរបស់សត្រូវ មិនត្រឹមតែការហ្វឹកហាត់នោះទេ។ លោក Thiago ក៏និងមានបំណងចង់រស់នៅក្នុងប្រទេសកម្ពុជាផងដែរ។
លោក Thiago សម្រេចចិត្តមកប្រទេសកម្ពុជាដោយរូបលោកមើលឃើញថា ប្រទេសកម្ពុជាគឺជាប្រទេសមួយដែលមានវប្បធម៌ដ៏ល្អវិសេសវិសាល បូករួមជាមួយប្រជាជនពោលពេញទៅដោយស្នាមញញឹម មិនត្រឹមតែប៉ុណ្ណោះ ពលរដ្ឋកម្ពុជាដែលស្នេហាវិស័យកីឡាប្រដាល់ក៏បង្ហាញពីការស្រឡាញ់ និង គាំទ្រដល់រូបលោកជាខ្លាំង៕
.png?1744178821)
