Yearendyearend1140x150
Img 0571

កម្ពុជារៀបចំយុទ្ធនាការ“កម្ពុជាស្អាត ទីក្រុងស្អាត កម្ពុជាបៃតងស្វាគមន៍ព្រឹត្តិការណ៍កីឡាស៊ីហ្គេម"

ព័ត៌មានជាតិ
/
អ្នកយកព័ត៌មាន:
ឃុន សម្ផស្ស
/

កំពង់ធំ៖ ក្រសួងទេសចរណ៍ សហការជាមួយ ស.ស.យ.ក.ខេត្តកំពង់ធំ និងស.ស.យ.ក. វិស័យទេសចរណ៍ បានរៀបចំយុទ្ធនាការ “កម្ពុជាស្អាត ទីក្រុងស្អាត កម្ពុជាបៃតងឆ្ពោះទៅស្វាគមន៍ព្រឹត្តិការណ៍កីឡាស៊ីហ្គេម អាស៊ានប៉ារ៉ាហ្គេម ២០២៣ និងការផ្សព្វផ្សាយយុទ្ធនាការ #Beyond the games”។

យុទ្ធនាការផ្សព្វផ្សាយនេះ រៀបចំឡើងក្នុងគោលបំណងជំរុញការចូលរួមពីសិស្សានុសិស្ស និងអាជ្ញាធរពាក់ព័ន្ធ ឱ្យចូលរួមបត់បេះដូង ដើម្បីបង្ហាញពីទឹកចិត្តគាំទ្រយុទ្ធនាការ Beyond The Games និងព្រឹត្តិការណ៍កីឡាស៊ីហ្គេម អាស៊ានប៉ារ៉ាហ្គេម២០២៣ ក៏ដូចជាដើម្បីលើកកម្ពស់ភាពស្អាត និងបៃតង ការផ្តល់សេវា និងបដិសណ្ឋារកិច្ចល្អ ក្នុងនាមជាម្ចាស់ផ្ទះទទួលស្វាគមន៍កីឡាករ-កីឡាការិនី និងភ្ញៀវទេសចរជាតិ និងអន្តរជាតិប្រកបដោយភាពកក់ក្តៅ។

លោក តុប សុភ័ក រដ្ឋលេខាធិការក្រសួងទេសចរណ៍ និងជាប្រធានគណៈកម្មការវប្បធម៌ បរិស្ថាន និងអប់រំកីឡានៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលេីកទី១២ តំណាងលោក ថោង ខុន រដ្ឋមន្ត្រីក្រសួងទេសចរណ៍ និងលោក ជា វ៉ាន់ចាន់ អភិបាលរងខេត្តកំពង់ធំ និងជាប្រធានស.ស.យ.ក.ខេត្តកំពង់ធំ។

យុទ្ធនាការផ្សព្វផ្សាយនេះបានរៀបចំឡើងនៅ៖

- វិទ្យាល័យ ហ៊ុន សែន ប៊ុន រ៉ានី ទ្រៀល

- វិទ្យាល័យ ហ៊ុន សែន តាំងគោក

- វិទ្យាល័យ ហ៊ុន សែន ស្រះបន្ទាយ

- វិទ្យាល័យ តេជោ ហ៊ុន សែន បារាយណ៍

- វិទ្យាល័យ ហ៊ុន សែន ក្រវ៉ា

- វិទ្យាល័យ ជា សុីម កំពង់ថ្ម

ដោយមានអ្នកចូលរួមពីសមាជិក សមាជិកាស.ស.យ.ក.វិស័យទេសចរណ៍ ស.ស.យ.ក.ខេត្តកំពង់ធំ លោកនាយក នាយករង នាយិការង លោកគ្រូ អ្នកគ្រូ យុវជនកាយរិទ្ធ យុវជនកាកបាទក្រហម សិស្សានុសិស្ស និងអាជ្ញាធរពាក់ព័ន្ធសរុបប្រមាណ 1,000នាក់ ក្នុងមួយវិទ្យាល័យ។


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង