ការសាងសង់គម្រោង«អភិរក្សទឹក»សំខាន់ចាប់ផ្តើមនៅខេត្តស៊ីឈួន

ចិន៖ ការសាងសង់គម្រោងអភិរក្សទឹកដ៏សំខាន់មួយសម្រាប់ការផ្គត់ផ្គង់ទឹកក្នុងតំបន់ និងការការពារទឹកជំនន់បានចាប់ផ្តើមនៅក្នុងខេត្ត Sichuan ភាគនិរតីនៃប្រទេសចិនកាលពីថ្ងៃពុធ។ មានទីតាំងនៅលើទន្លេ Chujiang ក្នុងក្រុង Chengdu នៃខេត្ត Sichuan អាងស្តុកទឹកចំនួនបីនឹងបម្រើដល់ ការផ្គត់ផ្គង់ទឹកក្នុងទីក្រុង និងជនបទ ការការពារទឹកជំនន់ ប្រព័ន្ធធារាសាស្រ្ត និងការផលិតថាមពល។

សមត្ថភាពរចនានៃអាងស្តុកទឹកគឺ ១៦១ លានម៉ែត្រគូប ជាមួយនឹងកម្ពស់អតិបរមានៃទំនប់ ១០២.៥ ម៉ែត្រ។ ការវិនិយោគលើគម្រោងនេះឈានដល់ ៦៧០ លានដុល្លារអាម៉េរិក ហើយរយៈពេលសាងសង់គឺ ៥៤ ខែ។

លោក Zan Yao មន្ត្រីមកពីអាជ្ញាធរទឹកក្នុងតំបន់បានមានប្រសាសន៍ថា “នៅពេលសាងសង់រួចរាល់ អាងស្តុកទឹកអាចផ្តល់តំបន់ថ្មី Tianfu ជាមួយនឹងការផ្គត់ផ្គង់ទឹកជាមធ្យម ១០១ លានម៉ែត្រគូបសម្រាប់រយៈពេលជាច្រើនឆ្នាំ ហើយផ្តល់ការធានាទឹកសម្រាប់ការផ្គត់ផ្គង់ទឹកក្នុងទីក្រុង និងជនបទ។ តំបន់ថ្មី Tianfu ដែលមានផ្ទៃដី ១,៥៧៨ គីឡូម៉ែត្រការ៉េ គឺជាស្រុកថ្មីនៅក្នុងខេត្ត Sichuan ដែលអនុម័តដោយក្រុមប្រឹក្សារដ្ឋក្នុងឆ្នាំ ២០១៤ ។

អាងស្តុកទឹកនេះគឺជាគម្រោងបណ្តាញទឹកជាតិមួយក្នុងចំណោមគម្រោងចំនួន ៦៦ ដែលនឹងអភិវឌ្ឍនៅឆ្នាំនេះ ដែលជាផ្នែកមួយនៃកិច្ចខិតខំប្រឹងប្រែងរបស់ប្រទេសចិនក្នុងការលើកកម្ពស់សមត្ថភាពរបស់ប្រទេសក្នុងការការពារសន្តិសុខទឹក៕