ក្រុមហ៊ុនសែលកាតនៃរ៉ូយ៉ាល់គ្រុប បានធ្វើឱ្យមានការភ្ញាក់ផ្អើលគួរឱ្យកត់សម្គាល់នៅឆ្នាំនេះ ជាមួយនឹងការឈ្នះពានរង្វាន់លើដំណើរការបណ្តាញរបស់ខ្លួនជាមួយនឹងពានរង្វាន់ចំនួន ៦ ក្នុងចំណោមពានរង្វាន់សរុបចំនួន ១០ របស់ Opensignal ដែលយោងតាមរបាយការណ៍ចុងក្រោយបង្អស់ "Mobile Network Experience" របស់ Opensignal សម្រាប់រយៈពេលពីថ្ងៃទី ១ ខែតុលា ដល់ថ្ងៃទី ២៩ ខែធ្នូ ឆ្នាំ ២០២២។ Opensignal បានផ្តល់ពានរង្វាន់ដល់ក្រុមហ៊ុនសែលកាត ដែលជាអ្នកឈ្នះដ៏ស័ក្ដិសមបំផុតសម្រាប់ពានរង្វាន់ «បទពិសោធល្បឿនដោនឡូត» និង «និរន្តរភាពនៃគុណភាពល្អបំផុត» ព្រមជាមួយនឹងពានរង្វាន់រួមគ្នាចំនួន ៤ ផ្សេងទៀតសម្រាប់ «បទពិសោធវីដេអូ», «បទពិសោធហ្គេម», «បទពិសោធល្បឿនបង្ហោះ» និង «វត្តមានបម្រើបម្រាស់បណ្ដាញ»។
សែលកាត បានរាយការណ៍ចុងក្រោយអំពីពានរង្វាន់ Opensignal របស់ខ្លួនក្នុងឆ្នាំ ២០១៧ - ២០១៨ ដែលជាលទ្ធផលនៃការដំណើរការគំនិតផ្ដួចផ្ដើម4G ដ៏ខ្លាំងក្លារបស់ខ្លួនដែលបានពង្រីកបណ្ដាញពី៣០០ ទៅ ៣០០០។
ចាប់តាំងពីមានវត្តមាននាយកប្រតិបត្តិថ្មីគឺលោក Simon Perkins មក សែលកាតបានកំណត់ផ្លូវឆ្ពោះទៅរកការសម្រេចបាននូវចក្ខុវិស័យរបស់ម៉ាកយីហោក្នុងការបើក និងពង្រឹងរបៀបរស់នៅបែបឌីជីថលរបស់អតិថិជនដោយផ្តោតលើការជំរុញដំណើរការបណ្តាញ។
រួមជាមួយនឹងដៃគូបណ្តាញដ៏សំខាន់មួយរបស់ខ្លួន Huawei គំនិតផ្តួចផ្តើមពង្រឹងបណ្តាញមួយត្រូវបានបង្កើតឡើង និងដាក់ឱ្យដំណើរការ ដោយផ្តោតលើការផ្តល់នូវដំណោះស្រាយរហ័សទាន់ចិត្តដែលមានតម្លៃល្អបំផុត គាំទ្រដោយក្រុមអ្នកជំនាញខាងវិស្វកម្មរបស់ សែលកាត។
ជាផ្នែកមួយនៃគំនិតផ្តួចផ្ដើម ទីតាំងបន្ថែមត្រូវបានសាងសង់លើ១០ខេត្ត។ ដំណោះស្រាយ IBS និង Microcells ដើម្បីបំពេញចន្លោះប្រហោងក្នុងតំបន់លំនៅដ្ឋានក្នុងរាជធានីភ្នំពេញ និង "បុរី" ការធ្វើឱ្យប្រសើរឡើងនូវកម្មវិធីបណ្តាញពេញលេញ ការដាក់ឲ្យដំណើរការ VoLTE ការធ្វើដំណើរការ Carrier Aggregation ពេញលេញនៅក្នុងខេត្តទាំង១៦។
ការអនុវត្តការកែលម្អពហុកម្រិតនេះ ផ្តល់ឱ្យអតិថិជនរបស់ សែលកាត នូវការគ្របដណ្តប់កាន់តែប្រសើរឡើងគួរឱ្យកត់សម្គាល់ ល្បឿនអ៊ីនធើណិត និងបទពិសោធន៍ទូទៅ។ នេះមានន័យថាការតភ្ជាប់ការហៅទូរសព្ទកាន់តែលឿន និងច្បាស់ជាងមុន ប្រតិបត្តិការទិន្នន័យ និងការផ្លាស់ប្តូរមានល្បឿនលឿនជាងមុន ការតភ្ជាប់ដែលអាចទុកចិត្តបានសម្រាប់ការប្រើប្រាស់ប្រចាំថ្ងៃ និងសកម្មភាពរបៀបរស់នៅបែបឌីជីថលដែលមិនមានការរំខានដូចជា ការរុករកប្រព័ន្ធផ្សព្វផ្សាយសង្គម ការលេងហ្គេម ការមើលវីដេអូ ការស្ដាប់ន្ត្រី និងសកម្មភាពជាច្រើនទៀត។
ប្រព័ន្ធទូរគមនាគមន៍គឺមិនពិបាកយល់ឬតាមដានទេ នៅពេលដែលអ្នកយល់ច្បាស់ពីមូលដ្ឋានគ្រឹះរបស់វាហើយស្នូលនៃអាជីវកម្មទូរគមនាគមន៍ទាំងអស់នោះគឺបណ្ដាញ។ ដើម្បីឈ្វេងយល់ពីចក្ខុវិស័យរបស់ សែលកាត ក្នុងការដំណើរការគាំទ្រនិងលើកកម្ពស់ការរស់នៅបែបឌីជីថលរបស់អតិថិជនយើងកំពុងផ្តល់ថាមពលឡើងវិញនូវការផ្តោតចំណាប់អារម្មណ៍លើការពង្រឹងបណ្តាញដែលជាធាតុផ្សំសំខាន់នៃយុទ្ធសាស្ត្ររបស់យើង។ នេះហើយជាចំណុចចាប់ផ្ដើមនៃអ្វីគ្រប់យ៉ាង។ ការទទួលបានពានរង្វាន់ពី Opensignal បង្ហាញថាយើងកំពុងដើរលើគន្លងដែលត្រឹមត្រូវហើយវាជាលទ្ធផលគាប់ប្រសើរណាស់ដែលការខិតខំប្រឹងប្រែងរបស់ក្រុមការងារសែលកាត និងដៃគូបណ្ដាញត្រូវបានទទួលស្គាល់និងផ្ដល់ផលត្រឡប់មកវិញ។ យើងពិតជារំភើបណាស់ក្នុងការទទួលបានការដកស្រង់ពី Opensignal ម្តងទៀត ហើយទន្ទឹងរង់ចាំក្នុងការទទួលបានមតិកែលម្អមួយចំនួនពីអតិថិជនរបស់យើង”។
ជាមួយនឹងការឈ្នះរង្វាន់នាពេលថ្មីៗនេះ សែលកាត ពង្រឹងកេរ្តិ៍ឈ្មោះរបស់ខ្លួនជាទូរគមនាគមន៍ដែលទទួលបានពានរង្វាន់ច្រើនជាងគេបំផុតក្នុងប្រទេសកម្ពុជា ដោយបច្ចុប្បន្នមានរង្វាន់ និងប័ណ្ណសរសើរជាង៤០ ដែលបង្ហាញពីការប្តេជ្ញាចិត្តរបស់ខ្លួនក្នុងការផ្តល់ជូនអតិថិជនរបស់ខ្លួននូវការផ្តល់ជូន និងសេវាកម្មដែលមានគុណភាពល្អបំផុត។
សម្រាប់ព័ត៌មានបន្ថែមអំពីកម្មវិធី Opensignal Global Mobile Network Experience Awards សូមចូលទៅកាន់៖ https://www.opensignal.com/reports/2023/02/global-state-of-the-mobile-network-experience-awards
ពានរង្វាន់ Opensignal សម្រាប់ប្រទេសកម្ពុជា - ពានរង្វាន់ Global Mobile Network Experience Awards 2023 ដោយផ្អែកលើការវិភាគឯករាជ្យនៃការវាស់វែងចល័តដែលបានកត់ត្រាក្នុងអំឡុងពេលថ្ងៃទី១ ខែកក្កដា ដល់ថ្ងៃទី២៧ ខែធ្នូ ឆ្នាំ២០២១ និងឆ្នាំ២០២២ © 2023 Opensignal Limited ។
អំពី សែលកាត
ចាប់ដំណើរការនៅឆ្នាំ១៩៩៧ សែលកាត គឺជាប្រតិបត្តិករខ្មែរតែមួយគត់១០០ភាគរយ និងបម្រើសេវាកម្មយូរបំផុតនៅកម្ពុជាដែលល្បីល្បាញដោយសារប្រវត្តិដ៏យូរលង់នៃការច្នៃប្រឌិតដំបូងទៅកាន់ទីផ្សារ សេវាកម្មអតិថិជនដ៏ឆ្នើមនិងលឿនបំផុតនិងជាបណ្ដាញទូរស័ព្ទចល័តដ៏គួរឱ្យទុកចិត្តបំផុត។ ចាត់ទុកជាក្រុមហ៊ុនដ៏ធំមួយក្នុងចំណោមក្រុមហ៊ុនធំនានាក្នុងប្រទេសកម្ពុជា សែលកាត បម្រើសេវាកម្មជូនអតិថិជនជាង៤លាននាក់ ជាមួយការគ្របដណ្ដប់ទូទាំងប្រទេស និងបណ្ដាញចែកចាយនិងភ្នាក់ងារចែកចាយដ៏ធំទូលាយ។
ជាមួយនឹងចក្ខុវិស័យឆ្ពោះទៅរកការផ្តល់នូវការតភ្ជាប់សម្រាប់ទាំងអស់គ្នា និងលើកកម្ពស់របៀបដែលអតិថិជនរស់នៅ ធ្វើការ និងកម្សាន្ត ផលប័ត្ររបស់ សែលកាត នៅតែបន្តពង្រីកដើម្បីសម្រួលនិងកសាងសហគមន៍ហ្គេមនិងកីឡាអេឡិចត្រូនិច ផ្តល់សេវាកម្មកម្សាន្តបែបឌីជីថល ដើម្បីដោះស្រាយតម្រូវការសម្រាប់ពេលវេលាជាក់ស្តែង និងមាតិកាកំពុងមានតម្រូវការ ព្រមទាំងផ្តល់ជូននូវដំណោះស្រាយសហគ្រាសប្រកបដោយភាពច្នៃប្រឌិត និងស៊ីជម្រៅដើម្បីគាំទ្រដល់អាជីវកម្មនានា។
សែលកាត នៅតែឈរឈ្មោះជាប្រតិបត្តិករដែលទទួលបានពានរង្វាន់ច្រើនជាងគេបំផុតក្នុងប្រទេសកម្ពុជា ជាមួយនឹងការទទួលពានរង្វាន់ច្រើនជាង៤០ ទាំងក្នុងតំបន់និងសកលលោក។
អំពី Huawei
Huawei គឺជាក្រុមហ៊ុនឈានមុខគេលើពិភពលោកដែលផ្តល់ហេដ្ឋារចនាសម្ព័ន្ធបច្ចេកវិទ្យាព័ត៌មាននិងទំនាក់ទំនង (ICT) និងឧបករណ៍ឆ្លាតវៃ។ បេសកកម្មរបស់ក្រុមហ៊ុន Huawei គឺនាំយកឌីជីថលទៅកាន់មនុស្សគ្រប់រូប គេហដ្ឋាន និងអង្គការសម្រាប់ពិភពលោកដែលមានភាពវៃឆ្លាត និងតភ្ជាប់យ៉ាងពេញលេញ។ ត្រង់ចំណុចនេះយើងនឹងជំរុញការតភ្ជាប់គ្រប់ទីកន្លែង និងលើកកម្ពស់ការចូលប្រើបណ្តាញស្មើៗគ្នា ដើម្បីដាក់មូលដ្ឋានគ្រឹះសម្រាប់ពិភពឆ្លាតវៃ
ផ្ដល់ជូនថាមពលបច្ចេកទេសកុំព្យូទ័រដែលចម្រុះក្នុងការបញ្ចូនក្លោដនិងភាពភាពឆ្លាតវ័យប្រកបដោយសព្វដ្ឋភាព កសាងវេទិការឌីជីថលប្រកបដោយថាមពលដើម្បីជួយដល់ឧស្សាហកម្ម និងអង្គការទាំងអស់ឱ្យកាន់តែមានភាពរហ័សរហួន ប្រសិទ្ធភាព និងថាមវន្ត កំណត់បទពិសោធន៍អ្នកប្រើប្រាស់ឡើងវិញជាមួយ AI ដោយផ្តល់ជូនអ្នកប្រើប្រាស់នូវបទពិសោធន៍ផ្ទាល់ខ្លួន និងឆ្លាតវៃនៅគ្រប់កាលៈទេសៈទាំងអស់។
អំពី Opensignal
Opensignal គឺជាក្រុមហ៊ុនឈានមុខគេលើសកលលោកនៃការយល់ដឹងឯករាជ្យ និងទិន្នន័យរួមបញ្ចូលបទពិសោធន៍បណ្តាញ និងដំណើរការទីផ្សារនៅទូទាំងប្រតិបត្តិករ converged, wireless និង broadband ។ វិធីសាស្រ្តរួមដែលផ្តោតលើអតិថិជនរបស់យើងអនុញ្ញាតឱ្យអ្នកផ្តល់សេវាទំនាក់ទំនងកែលម្អបណ្តាញរបស់ពួកគេ និងបង្កើនប្រសិទ្ធភាពពាណិជ្ជកម្ម។
នៅក្នុងពិភពលោកដែលសេវាកម្មតភ្ជាប់លែងត្រូវបានវិនិច្ឆ័យដោយការធ្វើតេស្តវិស្វកម្មនៃល្បឿន និងការគ្របដណ្តប់ យើងផ្តោតលើបទពិសោធន៍ជាក់ស្តែង។ យើងវាស់ស្ទង់បទពិសោធន៍បណ្តាញដែលអ្នកប្រើប្រាស់ទទួលបានក្នុងជីវិតប្រចាំថ្ងៃរបស់ពួកគេ ផ្ដើមការរុករកតាមអ៊ីនធើណិត រហូតដល់ការបើកវីដេអូ និងការលេងហ្គេមអនឡាញច្រើន។
បទពិសោធន៍បណ្តាញជាការពិតជាក់ស្ដែងណាស់គឺជាកត្តាមួយដែលមានឥទ្ធិពលលើជម្រើសរបស់អតិថិជន។
ទិន្នន័យទីផ្សាររបស់យើងបង្ហាញពីជម្រើសប្រចាំថ្ងៃដែលពួកគេ បង្ហាញពីអ្វីដែលពិតជាសំខាន់ចំពោះពួកគេ និងផលប៉ះពាល់លើអ្នកប្រើប្រាស់ទាំងអស់នៅក្នុងទីផ្សារ។
