![](https://cdn.cc-times.com/kh.cc-times.com/media/3086/large/04_02.jpg?1593848704)
ភ្នំពេញ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យប្រោសព្រះរាជទានព្រះរាជសាររំលែកទុក្ខជូន ឯកឧត្តម U WIN MYINT ប្រធានាធិបតីនៃសាធារណរដ្ឋសហភាពមីយ៉ាន់ម៉ា ចំពោះឧបទ្ទវហេតុដ៏រន្ធត់ការរអិលបាក់ដីក្នុងការដ្ឋានជីកយករ៉ែមួយកន្លែងនៃតំបន់ Hapakant ដែលបានបណ្តាលឲ្យបាត់បង់អាយុជីវិតប្រជាជនជាច្រើនរយនាក់។
នៅក្នុងហេតុការណ៍របាក់ដីទ្រង់ទ្រាយធំនេះដែរ ក្រុមអ្នកជួយសង្រ្គោះនៃប្រទេសភូមាបាននិយាយនៅថ្ងៃទី ៣ ខែកក្កដានេះ ការដួលរលំនៃអណ្តូងរ៉ែថ្មនៅក្នុងតំបន់ប៉ាកននៃរដ្ឋកាឈិននៅភាគខាងជើងនៃប្រទេសភូមា បានសម្លាប់មនុស្ស ១៦៦ នាក់ ក្នុងនោះមានមនុស្សប្រមាណ៥៤ រងរបួស ត្រូវបានបញ្ជូនទៅកាន់មន្ទីរពេទ្យក្នុងតំបន់ដើម្បីព្យាបាល។
គួរបញ្ជាក់ថា កាលពីនៅម៉ោងប្រហែល ០៦:៣០ នាទីព្រឹកថ្ងៃទី ២ ខែកក្កដា មានហេតុការណ៍រអិលបាក់គំនរសំរាមលាយឡំជាមួយដីទ្រង់ទ្រាយធំមួយបានកើតឡើងនៅតំបន់ Pagan Emerald Mineប្រទេសភូមា។ យោងតាមអ្នកស្រុកបានឱ្យដឹងថា មានមនុស្សយ៉ាងហោចណាស់ប្រហែលជាង២០០នាក់ត្រូវបានកប់ក្នុងនោះ៕
![](https://cdn.cc-times.com/kh.cc-times.com/media/3090/large/1.jpg?1593848895)
![](https://cdn.cc-times.com/kh.cc-times.com/media/3091/large/2.jpg?1593848911)
![](https://cdn.cc-times.com/kh.cc-times.com/media/3092/large/3.jpg?1593848926)
![](https://cdn.cc-times.com/kh.cc-times.com/media/3093/large/4.jpg?1593848938)
![](https://cdn.cc-times.com/kh.cc-times.com/media/3094/large/5.jpg?1593848952)
![](https://cdn.cc-times.com/kh.cc-times.com/media/3095/large/6.jpg?1593848963)