Yearendyearend1140x150
Img 0571

អ្នកនាំពាក្យអ៊ីរ៉ង់៖ ចិនដើរតួនាទីល្អក្នុងការបង្កើតសន្តិភាព ស្ថិរភាពក្នុងតំបន់

អន្តរជាតិ
/
អ្នកយកព័ត៌មាន:
កូ រដ្ឋា
/
លោក Nasser Kanaani អ្នកនាំពាក្យក្រសួងការបរទេសអ៊ីរ៉ង់

អ៊ីរ៉ង់៖ លោក Nasser Kanaani អ្នកនាំពាក្យក្រសួងការបរទេសអ៊ីរ៉ង់បានគូសបញ្ជាក់ថា កិច្ចព្រមព្រៀងសម្របសម្រួលដោយចិនដែលបានស្តារទំនាក់ទំនងការទូតរវាងអ៊ីរ៉ង់ និងអារ៉ាប៊ីសាអូឌីតបានបង្ហាញពីសមត្ថភាពរបស់ចិនក្នុងការបង្កើតសន្តិភាព និងស្ថិរភាពក្នុងតំបន់។

ក្នុងអំឡុងសន្និសីទសារព័ត៌មានប្រចាំសប្តាហ៍នៅទីក្រុង Tehran លោក Kanaani បានសាទរចំពោះតួនាទីរបស់ប្រទេសចិនក្នុងទំនាក់ទំនងដែលទើបនឹងបង្កើតឡើងវិញ។ លោកបន្ថែមថា “រដ្ឋាភិបាលចិនបានដើរតួនាទីយ៉ាងសំខាន់ក្នុងបញ្ហានេះ ហើយប្រទេសចិនអាចដើរតួនាទីដ៏ល្អក្នុងការបង្កើតសន្តិភាព ស្ថិរភាព និងសន្តិសុខនៅក្នុងតំបន់អាស៊ី។

បន្ទាប់ពីមានអរិភាពបើកចំហជាច្រើនឆ្នាំ ប្រទេសទាំងពីរបានព្រមព្រៀងគ្នាកាលពីសប្តាហ៍មុនដើម្បីស្តារទំនាក់ទំនងការទូតឡើងវិញ បន្ទាប់ពីកិច្ចចរចាសម្របសម្រួលដោយប្រទេសចិន ដែលជាការអភិវឌ្ឍន៍ដ៏សំខាន់សម្រាប់ប្រជាជាតិទាំងពីរ និងជាប្រយោជន៍ដល់សន្តិសុខ និងស្ថិរភាពនៃមជ្ឈិមបូព៌ា។

នៅក្នុងសេចក្តីថ្លែងការណ៍រួមមួយដែលបានចេញផ្សាយជាមួយប្រទេសចិនកាលពីថ្ងៃសុក្រ អារ៉ាប៊ីសាអូឌីត និងអ៊ីរ៉ង់បានយល់ព្រមបើកស្ថានទូត និងបេសកកម្មការទូតរបស់ពួកគេឡើងវិញក្នុងរយៈពេលពីរខែ ជួបពិភាក្សារវាងរដ្ឋមន្ត្រីការបរទេសរបស់ប្រទេសទាំងពីរស្តីពីការរៀបចំការផ្លាស់ប្តូរឯកអគ្គរដ្ឋទូត និងរិះរកវិធីកែលម្អទំនាក់ទំនងទ្វេភាគី៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង