ភ្នំពេញ៖ ក្រសួងអប់រំ កម្ពុជាបានរៀបចំពិធីបើកជាផ្លូវការ នៃកម្មវិធីជជែកដេញដោលយុវជនថ្នាក់ជាតិ ២០២៣ បានចាប់ផ្តើមជាផ្លូវការជាមួយនឹងវគ្គជម្រុះជុំទី១ ដែលនឹងប្រព្រឹត្តទៅនៅថ្ងៃទី១១-១២ និង ១៨-១៩ ខែមីនា ឆ្នាំ២០២៣ ដែលមានបេក្ខជន បេក្ខនារីតំណាង ៣២ វិទ្យាល័យ មកពីរាជធានី ខេត្តទាំង២៥ ចូលរួមធ្វើការប្រកួតជម្រុះយក ១៦ វិទ្យាល័យ ដើម្បីបន្តទៅវគ្គបន្ទាប់។
គួរបញ្ជាក់ផងថា កម្មវិធីជជែកដេញដោលយុវជនថ្នាក់ជាតិ ២០២៣ រៀបចំឡើងក្នុងគោលបំណងជំរុញ និងបណ្តុះយុវសិស្សឱ្យមានបំណិនស្រាវជ្រាវ ការនិយាយជាសាធារណៈ ការវិភាគបែបស៊ីជម្រៅ ការបញ្ចេញមតិប្រកបដោយមូលដ្ឋានព័ត៌មានច្បាស់លាស់ និងបំណិនឌីជីថល៕
