ភ្នំពេញ៖ មជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) នៅថ្ងៃទី ២៥ កុម្ភៈខាងមុខនេះ នឹងរៀបចំវេទិកាអាហារូបករណ៍កូរ៉េ ក្នុងគោលបំណងអោយសិស្ស-និស្សិត បានស្វែងយល់ ក៏ដូចជាដឹងពីគន្លឹះក្នុងការស្នើសុំអាហារូបករណ៍ និងការសិក្សានៅប្រទេសកូរ៉េ ផងដែរ។
សិស្សានុសិស្ស ដែលកំពុងដាក់ពាក្យ ឬមានគម្រោងដាក់ពាក្យស្នើសុំអាហារូបករណ៍ទៅសិក្សានៅប្រទេសកូរ៉េ និងចង់ដឹងពីគន្លឹះជោគជ័យក្នុងការស្នើសុំអាហារូបករណ៍ និងការសិក្សានៅប្រទេសកូរ៉េ ពេលនេះមជ្ឈមណ្ឌលសហប្រតិបត្តិការកម្ពុជា-កូរ៉េ នឹងរៀបចំវេទិកាអាហារូបករណ៍កូរ៉េ ដើម្បីអោយសិស្ស-និស្សិត ទទួលបានពត៌មានលំអិត រួមនឹងចំណេះដឹងជាច្រើនទៀតពីវាគ្មិនកិត្តិយស នៅក្នុងកម្មវិធី។
វេទិកាអាហារូបករណ៍កូរ៉េ នឹងប្រព្រឹត្តនៅថ្ងៃទី ២៥ កុម្ភៈ វេលាម៉ោង ១និង៣០នាទីរសៀល នៅមជ្ឈមណ្ឌលសហប្រតិបត្តិការកម្ពុជា-កូរ៉េ ក្នុងសាលពហុបំណងនៃមជ្ឈមណ្ឌលផ្ទាល់។ វេទិកានេះចូលរួមដោយសេរី ហើយថែមទាំងមានឱកាសឈ្នះរង្វាន់ពិសេសពីកម្មវិធីថែមទៀតផង៕
