វ៉ាស៊ីនតោន៖ អ្នកការទូតកំពូលរបស់សហរដ្ឋអាម៉េរិកបានគូសបញ្ជាក់ថាថា សហរដ្ឋអាម៉េរិក នឹងធ្វើការដើម្បីរក្សាទំនាក់ទំនង ជាមួយប្រទេសចិន បើទោះបីជាមានការប្រេះឆា ជុំវិញការចោទប្រកាន់ថា មានបាឡុងចារកម្មចិនហោះចូលទឹកដីអាម៉េរិកក៏ដោយ។
បើតាមអនុប្រធានអាម៉េរិកលោកស្រី Wendy Sherman បានឲ្យដឹងថាសហរដ្ឋអាម៉េរិក និងចិន "មិនដែលឈប់ប្រាស្រ័យទាក់ទងគ្នា និងព្យាយាមស្វែងយល់ពីគ្នាទៅវិញទៅមក" ទោះបីជាមានការលុបចោលក្នុងខែនេះនៃដំណើរទស្សនកិច្ចរបស់រដ្ឋមន្ត្រីការបរទេសលោក Antony Blinken ក៏ដោយ។ លោកស្រី Sherman បន្ថែមថា "យើងនឹងរក្សាទំនាក់ទំនងបើកចំហជាមួយប្រទេសចិនដូច្នេះយើងអាចគ្រប់គ្រងការប្រកួតប្រជែងរវាងប្រទេសរបស់យើងដោយការទទួលខុសត្រូវ" ។
ទោះជាយ៉ាងណាក៏ដោយ លោកស្រីបាននិយាយថា សហរដ្ឋអាម៉េរិកនឹងនៅតែរឹងមាំចំពោះការព្រួយបារម្ភជាមួយប្រទេសចិន រួមទាំងសិទ្ធិមនុស្សនៅហុងកុង ទីបេ និងស៊ីនជាំង ការប្រើប្រាស់ "ការបង្ខិតបង្ខំសេដ្ឋកិច្ច" និង "អាកប្បកិរិយាគំរាមកំហែង" ប្រឆាំងនឹងតៃវ៉ាន់។
ប្រធានាធិបតី Joe Biden បានបញ្ជាឱ្យបាញ់ទម្លាក់បាឡុង បន្ទាប់ពីវាបានឆ្លងកាត់ទឹកដីសហរដ្ឋអាម៉េរិក រួមទាំងតំបន់ដែលមានទីតាំងយោធាដ៏រសើប។ មន្ត្រីអាម៉េរិកបាននិយាយថា វាជាបាឡុងស៊ើបការណ៍។
ជាមួយគ្នានេះដែរទីក្រុងប៉េកាំងបានទទូចថា បាឡុងនេះគឺសម្រាប់តាមដានអាកាសធាតុ ហើយបានដើរហួសព្រំដែន ក្រុងប៉េកាំងក៏បានចោទប្រកាន់សហរដ្ឋអាម៉េរិកថាបានបញ្ជូនបាឡុងរបស់ខ្លួនពីលើប្រទេសចិន ការចោទប្រកាន់ត្រូវបានបដិសេធដោយទីក្រុងវ៉ាស៊ីនតោន៕
