ម៉ាក្រុង៖ ចំណាយពេលយូបន្តិចក្នុងការបញ្ជូន«យន្តហោះចម្បាំង»ឲ្យអ៊ុយក្រែន

ប្រ៊ុចសែល៖ ប្រធានាធិបតីបារាំង លោក Emmanuel Macron បានព្រមាននាថ្ងៃសុក្រនេះថា ទោះបីជាសម្ព័ន្ធមិត្តអឺរ៉ុបរបស់អ៊ុយក្រែន សម្រេចចិត្តបញ្ជូនយន្តហោះចម្បាំងដល់ក្រុងគៀវក៏ដោយ ក៏បារាំងមិនទាន់អាចបញ្ជូនយន្តហោះជំនួយទៅកាន់អ៊ុយក្រែនភា្លមៗនោះទេ។

លោក Macron បានព្រមានបែបនេះបន្ទាប់ពីកិច្ចប្រជុំកំពូលរបស់សហភាពអឺរ៉ុប (EU) នៅទីក្រុងប្រ៊ុចសែល ដែលមានការចូលរួមដោយប្រធានាធិបតីអ៊ុយក្រែន។

អ៊ុយក្រែនមានបញ្ជីទិញទំនិញនៃយន្តហោះប្រយុទ្ធលោកខាងលិច មីស៊ីលរយៈចម្ងាយឆ្ងាយ និងរថក្រោះធុនធ្ងន់ ប៉ុន្តែក៏កំពុងប្រឈមមុខនឹងការខ្វះខាតយ៉ាងខ្លាំងនៅក្នុងការផ្គត់ផ្គង់មូលដ្ឋានបន្ថែមទៀត ដូចជាគ្រាប់កាំភ្លើងធំជាដើម។ ចក្រភពអង់គ្លេសបានផ្តល់ការបណ្តុះបណ្តាលអ្នកបើកយន្តហោះអ៊ុយក្រែននៅលើយន្តហោះលោកខាងលិច ខណៈដែលប៉ូឡូញ និងស្លូវ៉ាគីកំពុងពិចារណាបញ្ជូនយន្តហោះចម្បាំង Mig-29 ដែលរចនាឡើងដោយសូវៀតបន្ថែមទៀតដែលទីក្រុងគៀវ។

ប៉ុន្តែសម្ព័ន្ធមិត្តរបស់អ៊ុយក្រែនមានការភ័យខ្លាចថា ការដាក់ពង្រាយយន្តហោះចម្បាំងលោកខាងលិចកម្រិតខ្ពស់នឹងបង្កឱ្យមានការកើនឡើងបន្ថែមទៀតដោយទីក្រុងម៉ូស្គូ និងប្រថុយនឹងជម្លោះបើកចំហរវាងអង្គការសន្ធិសញ្ញាអាត្លង់ទិកខាងជើង (NATO) និងរុស្ស៊ី។

លោក Macron និងមេដឹកនាំសហភាពអឺរ៉ុបផ្សេងទៀតនៅទីក្រុងប្រ៊ុចសែលបានសាទរលោក Zelenskyy ថាជាវីរៈបុរស ហើយបានសន្យាថានឹងឈរក្បែរអ៊ុយក្រែនរហូតដល់ជ័យជំនះ៕