ពលរដ្ឋចិនត្រៀមខ្លួនអបអរពិធី«បុណ្យចូលឆ្នាំចិន»នាពេលខាងមុខ

ចិន៖ ប្រជាជនក្នុងតំបន់ទូទាំងប្រទេសចិនកំពុងមានអារម្មណ៏រីករាយនៅមុនពិធីបុណ្យនិទាឃរដូវដោយរៀបចំមុខម្ហូបពិសេសៗជាច្រើនដើម្បីផ្តល់ជូនសមាជិកគ្រួសារដែលត្រឡប់មកទទួលនូវរសជាតិពិតនៃម្ហូបប្រចាំគ្រួសារ រួមទាំងនំអន្សមដ៏ពេញនិយមផងដែរ។ ជាមួយនឹងការមកដល់នៃឆ្នាំទន្សាយ ជិតមកដល់ហើយ ការប្រារព្ធពិធីជាច្រើនកំពុងប្រព្រឹត្តទៅនៅទូទាំងប្រទេសចិន នៅមុនថ្ងៃបុណ្យចូលឆ្នាំថ្មី ដែលនឹងត្រូវនឹងថ្ងៃទី ២២ ខែមករា ឆ្នាំនេះ។

ពិធីបុណ្យនិទាឃរដូវ ដែលរាប់បញ្ចូលទាំងពិធីបុណ្យចូលឆ្នាំថ្មី គឺជាពេលវេលាដែលមនុស្សរាប់លាននាក់នៅទូទាំងប្រទេសត្រឡប់ទៅស្រុកកំណើតរបស់ពួកគេវិញ ដើម្បីជួបជុំក្រុមគ្រួសារ ដោយមនុស្សជាច្រើនក៏ចង់រីករាយជាមួយនឹងអាហារពិសេសមួយចំនួនដែលពួកគេចូលចិត្តផងដែរ។

ក្លិនឈ្ងុយនៃអាហារចិនដ៏ប្រណិតបានសាយភាយពេញអាកាស ខណៈមនុស្សគ្រប់វ័យប្រមូលផ្តុំគ្នាដើម្បីទទួលអារម្មណ៍រីករាយក្នុងពិធីបុណ្យ។ នៅតំបន់ស្វយ័ត Youyang នៃក្រុង Chongqing ភាគនិរតីនៃប្រទេសចិន នំអង្ករដំណើបត្រូវបានបម្រើជារៀងរាល់ឆ្នាំ ហើយត្រូវបានគេមើលឃើញថាជាមុខម្ហូបសម្រាប់ពិធីបុណ្យនិទាឃរដូវដ៏ពេញនិយមសម្រាប់អ្នកស្រុក។

អ្នកភូមិក្នុងស្រុកបានជួបជុំគ្នាធ្វើនំអន្សម និងម្ហូបពិសេសៗផ្សេងទៀត បង្កើតបរិយាកាសរស់រវើក និងរីករាយ ជាមួយនឹងការទទួលទានអាហារជាច្រើននៅខាងក្រៅ និងចែករំលែកក្នុងស្មារតីសង្គមដ៏រឹងមាំ។ ការទទួលទាននំអន្សមទន់នេះត្រូវបានគេនិយាយថានឹងផ្តល់ទំនុកចិត្តដល់អ្នកភូមិក្នុងការរំពឹងទុកល្អសម្រាប់ឆ្នាំខាងមុខ។

ទន្ទឹមនឹងនេះ កម្មករជាច្រើននៅក្នុងទីក្រុង Fuding នៃខេត្ត Fujian ភាគខាងកើតប្រទេសចិន ក៏កំពុងមមាញឹកក្នុងការធ្វើនំអន្សមដ៏ឈ្ងុយឆ្ងាញ់ផងដែរ នៅមុនពិធីបុណ្យនិទាឃរដូវ ដែលមុខម្ហូបនេះនឹងក្លាយជាគ្រឿងផ្សំសំខាន់នៅក្នុងពិធីជប់លៀងជួបជុំគ្រួសារជាច្រើនដែលធ្វើឡើងក្នុងឱកាសបុណ្យចូលឆ្នាំថ្មី។

លោក Xu Yongying អ្នកស្រុកម្នាក់បានឲ្យដឹងថា "ស្ទើរតែរៀងរាល់ឆ្នាំយើងមកទីនេះដើម្បីទិញនំអន្សមប្រហែល ១០០-១៥០ គីឡូក្រាម" ។

ចំណែកលោក Gao Chuanlong ប្រធានរោងចក្រនំអន្សមនៅ Dianxia បាននិយាយថា សិប្បកម្មប្រពៃណីរបស់យើងមិនអាចបោះបង់ចោលបានទេ មិនត្រឹមតែមានរសជាតិនៃកុមារភាពប៉ុណ្ណោះទេ ប៉ុន្តែក៏មានបរិយាកាសរីករាយនៃឆ្នាំថ្មី និងសូម្បីតែការរំពឹងទុកសម្រាប់ឆ្នាំថ្មីផងដែរ" ។

ទន្ទឹមនឹងនេះ នៅទីក្រុង Nanchang នៃខេត្ត Jiangxi ភាគខាងកើតប្រទេសចិន ទីផ្សារប្រជាប្រិយនៃពិធីបុណ្យនិទាឃរដូវ គឺពោរពេញទៅដោយទំនិញពីទីក្រុងចំនួន ១១ ក្នុងតំបន់ក្បែរនោះ រួមទាំងអាហារពិសេសក្នុងស្រុក អាហារប្រពៃណី និងសិប្បកម្មបេតិកភណ្ឌវប្បធម៌អរូបីផងដែរ៕