ភ្នំពេញ៖ ក្រសួងធនធានទឹកបានចេញសេចក្តីប្រកាសថា ចាប់ពីថ្ងៃទី១១-១៧ ខែមករា ឥទ្ធិពលទ្រនុងសម្ពាធខ្ពស់ពីចិន និងខ្យល់ មូសុងឦសានក្នុងកម្រិតខ្សោយទៅមធ្យម នឹងគ្របដណ្ដប់លើកម្ពុជារយៈពេលមួយសប្ដាហ៍។ ស្ថានភាពបែបនេះ អាចធ្វើបណ្ដាខេត្តមួយចំនួនអាចមានភ្លៀងធ្លាក់ដោយអន្លើ។
បើតាមការព្យាកររបស់ក្រសួងធនធានទឹក បង្ហាញថា ចាប់ពីថ្ងៃទី១១-១៧ ខែមករា តំបន់ទំនាបកណ្ដាលអាចមានភ្លៀងធ្លាក់កម្រិតខ្សោយ ។ ចំណែក តំបន់ខ្ពង់រាប អាចមានភ្លៀងធ្លាក់កម្រិតខ្សោយដោយអន្លើ និងអាចចុះត្រជាក់ក្នុងកម្រិតខ្សោយនាពេលព្រឹក។ ចំពោះតំបន់មាត់សមុទ្រវិញ ក៏អាចនឹងមានភ្លៀងធ្លាក់កម្រិតខ្សោយ ដូចតំបន់ផ្សេងទៀតដែរ៕
